انا تٸلٸن ۇمىتقان ادام قالاي مينيستر بولادى?
مۇنى نىسانادان قالت جٸبەرمەگەن تٸلشٸلەر مينيسترگە مەملەكەتتٸك تٸلدٸ بٸلمەيتٸنٸن بەتٸنە باسىپ ساۋال تاستادى. ٶز كەزەگٸندە قر ۇلتتىق ەكونوميكا مينيسترٸ تيمۋر سٷلەيمەنوۆ تٸلشٸلەرگە 6 اي ٸشٸندە مەملەكەتتٸك تٸلدٸ مەڭگەرۋگە ۋەدە ەتتٸ دەپ حابارلادى قازاقپارات.
بٷگٸن قر پارلامەنتٸ مەجٸلٸسٸنٸڭ جالپى وتىرىسى كەزٸندە «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جەرگٸلٸكتٸ ٶزٸن-ٶزٸ باسقارۋدى دامىتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى اياسىندا دەپۋتاتتاردىڭ قازاق تٸلٸندە قويعان سۇراقتارىنا مينيستر تەك ورىسشا جاۋاپ بەرٸپ وتىردى.
جاڭادان تاعايىندالعان مينيستر جۋرناليستەرگە سۇحباتى بارىسىندا مەسكەۋدە جۇمىس ٸستەگەن جىلدار ٸشٸندە قازاق تٸلٸن ۇمىتىڭقىراپ قالعانىن جەتكٸزدٸ.
«مەسكەۋدە 5 جىل جۇمىس ٸستەپ, ٶز انا تٸلٸمدٸ ۇمىتا باستاپپىن. بٸراق تا, 6 ايدىڭ ٸشٸندە قايتا مەڭگەرٸپ شىعامىن», — دەدٸ سٷلەيمەنوۆ.
سونىمەن قاتار ول قىزمەتٸندە جاقسى ەرٸ جاۋاپكەرشٸلٸكپەن جۇمىس ٸستەيتٸنٸن, وسى ورايدا باسشىلىقتىڭ بەرگەن تاپسىرمالارىن ورىنداپ, قىزمەتكەرلەرگە, قوعامعا, ازاماتتارعا قاتىستى ادال بولاتىنىن اتاپ ٶتتٸ.
«بۇل ۇستانىمداردى ورىنداعان جاعدايدا ماقساتتار جٷزەگە اسادى دەگەن ويدامىن»,-دەپ جاۋاپ قايىردى مينيستر.
