"Perzent" balalar úıiniń dırektory Ámına Ájibaeva mekeme ádeıi órtelip, jerdi ıelený maqsatynda qasaqana uıymdastyrylǵan degen boljamdy joqqa shyǵardy, dep habarlaıdy Dalanews.kz.
Bul týraly ol HALYQSTAN tilshisine bergen jaýabynda málimdegen.
"Ondaı bolýy múmkin emes. Bul – jalǵan aqparat. Órt monshadan shyqqan", - dedi ol.
Buǵan deıingi suhbattarynyń birinde Ámına Ájibaeva biraz ýaqyt jertólede turǵanyn, keıin Marǵulan Seısembaı, Asqar qajy Ábitaıuly osy úıdi bergenin aıtqan edi.
Eske salaıyq, keshe Almatyda balalar úıi órtendi.
Keıinirek Ámına Ájibaeva oqys oqıǵany paıdalanyp, aqsha jınamaýdy surady.
