Memleket basshysy álem tehnologiialyq jańǵyrýdyń jańa kezeńine qadam basqanyn aitty, dep habarlaidy dalanews.kz.
Prezident jasandy intellekt jahandyq damýdyń qozǵaýshy kúshine ainalady dep sanaidy.
"Memlekettiń investitsiialyq saiasatynda jasandy intellekt tehnologiialaryna mán berý – asa mańyzdy basymdyq. Bul qaitalanbaly úderisterden arylyp, «aqyldy súzgi» qalyptastyrýǵa múmkindik beredi. Sol arqyly investorlarǵa jedel, naqty ári tiimdi qyzmet kórsetiledi. IýNKTAD boljamy boiynsha, 2033 jylǵa qarai álemdik jasandy intellekt ekonomikasynyń kólemi 5 trillion dollarǵa jýyqtaidy. Atalǵan kórsetkishtiń ondaǵan jyl ishinde shamamen 25 ese ulǵaiýy jahandyq ekonomikadaǵy jasandy intellektiniń róli artyp kele jatqanyn baiqatady. Elimiz osy baǵytty belsendi qolǵa alýǵa nietti. Byltyr halyqqa arnaǵan Joldaýymda Qazaqstandy tolyq tsifrlyq memleketke ainaldyrý boiynsha naqty mindet júktedim. Jumysty júieli júrgizý úshin 2026 jyl – Jasandy intellekt jáne tsifrlyq damý jyly bolyp jariialandy. Bolashaqtyń baǵdaryn aiqyndai otyryp, biz azamattardyń tsifrlyq qaýipsizdigine den qoiamyz. Qazaqstan Konstitýtsiiasynyń jańa redaktsiiasy ár adamnyń derbes derekterin qorǵaýǵa kepildik beredi. Institýtsionaldyq negizdi nyǵaitý úshin Jasandy intellekt jáne tsifrlyq damý ministrligi quryldy. Sonymen qatar Jasandy intellektini damytý jónindegi keńes óz jumysyn bastady", – dedi Prezident.
Qasym-Jomart Toqaev Keńes múshelerine zamanaýi tsifrlyq infraqurylym qalyptastyrý boiynsha qarqyndy jumys júrgizilip jatqanyn málimdedi. Atap aitqanda, Qazaqstan Ortalyq Aziia elderi arasynda alǵash ret ozyq tehnologiialar negizinde eki sýperkompiýterdi sátimen iske qosty.
"Investitsiialarǵa tsifrlyq dáýir talaptaryna sai keletin zamanaýi normativtik-quqyqtyq baza kepil bolady. Jaqynda Parlamentte qabyldanǵan Tsifrlyq kodeks, «Jasandy intellekt týraly» zań jáne Digital Qazaqstan strategiiasy el damýynyń aiqyn tehnologiialyq jol kartasyn túzedi. Bul qujattar innovatsiiaǵa, investitsiia tartýǵa jáne halyqaralyq yntymaqtastyqty keńeitýge de laiyqty jaǵdai jasaidy. Budan bólek, Qazaqstannyń tsifrlyq ekonomikasynyń negizgi elementteriniń biri sanalatyn Derekterdi óńdeý ortalyqtarynyń alqabyn qurýǵa niettimiz. Biregei joba jahandyq kapital men álemniń jetekshi tehnologiialyq kompaniialarynyń basyn qosatyn qýatty ortalyqqa ainalmaq. Amazon, G42 jáne basqa da salalyq kóshbasshylar osy ekojúiege qatysý múmkindigin qarastyra bastady", – dedi Memleket basshysy.
