مەملەكەت باسشىسى ەلەم تەحنولوگييالىق جاڭعىرۋدىڭ جاڭا كەزەڭٸنە قادام باسقانىن ايتتى, دەپ حابارلايدى dalanews.kz.
پرەزيدەنت جاساندى ينتەللەكت جاھاندىق دامۋدىڭ قوزعاۋشى كٷشٸنە اينالادى دەپ سانايدى.
"مەملەكەتتٸڭ ينۆەستيتسييالىق ساياساتىندا جاساندى ينتەللەكت تەحنولوگييالارىنا مەن بەرۋ – اسا ماڭىزدى باسىمدىق. بۇل قايتالانبالى ٷدەرٸستەردەن ارىلىپ, «اقىلدى سٷزگٸ» قالىپتاستىرۋعا مٷمكٸندٸك بەرەدٸ. سول ارقىلى ينۆەستورلارعا جەدەل, ناقتى ەرٸ تيٸمدٸ قىزمەت كٶرسەتٸلەدٸ. يۋنكتاد بولجامى بويىنشا, 2033 جىلعا قاراي ەلەمدٸك جاساندى ينتەللەكت ەكونوميكاسىنىڭ كٶلەمٸ 5 تريلليون دوللارعا جۋىقتايدى. اتالعان كٶرسەتكٸشتٸڭ ونداعان جىل ٸشٸندە شامامەن 25 ەسە ۇلعايۋى جاھاندىق ەكونوميكاداعى جاساندى ينتەللەكتٸنٸڭ رٶلٸ ارتىپ كەلە جاتقانىن بايقاتادى. ەلٸمٸز وسى باعىتتى بەلسەندٸ قولعا الۋعا نيەتتٸ. بىلتىر حالىققا ارناعان جولداۋىمدا قازاقستاندى تولىق تسيفرلىق مەملەكەتكە اينالدىرۋ بويىنشا ناقتى مٸندەت جٷكتەدٸم. جۇمىستى جٷيەلٸ جٷرگٸزۋ ٷشٸن 2026 جىل – جاساندى ينتەللەكت جەنە تسيفرلىق دامۋ جىلى بولىپ جارييالاندى. بولاشاقتىڭ باعدارىن ايقىنداي وتىرىپ, بٸز ازاماتتاردىڭ تسيفرلىق قاۋٸپسٸزدٸگٸنە دەن قويامىز. قازاقستان كونستيتۋتسيياسىنىڭ جاڭا رەداكتسيياسى ەر ادامنىڭ دەربەس دەرەكتەرٸن قورعاۋعا كەپٸلدٸك بەرەدٸ. ينستيتۋتسيونالدىق نەگٸزدٸ نىعايتۋ ٷشٸن جاساندى ينتەللەكت جەنە تسيفرلىق دامۋ مينيسترلٸگٸ قۇرىلدى. سونىمەن قاتار جاساندى ينتەللەكتٸنٸ دامىتۋ جٶنٸندەگٸ كەڭەس ٶز جۇمىسىن باستادى", – دەدٸ پرەزيدەنت.
قاسىم-جومارت توقاەۆ كەڭەس مٷشەلەرٸنە زاماناۋي تسيفرلىق ينفراقۇرىلىم قالىپتاستىرۋ بويىنشا قارقىندى جۇمىس جٷرگٸزٸلٸپ جاتقانىن مەلٸمدەدٸ. اتاپ ايتقاندا, قازاقستان ورتالىق ازييا ەلدەرٸ اراسىندا العاش رەت وزىق تەحنولوگييالار نەگٸزٸندە ەكٸ سۋپەركومپيۋتەردٸ سەتٸمەن ٸسكە قوستى.
"ينۆەستيتسييالارعا تسيفرلىق دەۋٸر تالاپتارىنا ساي كەلەتٸن زاماناۋي نورماتيۆتٸك-قۇقىقتىق بازا كەپٸل بولادى. جاقىندا پارلامەنتتە قابىلدانعان تسيفرلىق كودەكس, «جاساندى ينتەللەكت تۋرالى» زاڭ جەنە Digital Qazaqstan ستراتەگيياسى ەل دامۋىنىڭ ايقىن تەحنولوگييالىق جول كارتاسىن تٷزەدٸ. بۇل قۇجاتتار يننوۆاتسيياعا, ينۆەستيتسييا تارتۋعا جەنە حالىقارالىق ىنتىماقتاستىقتى كەڭەيتۋگە دە لايىقتى جاعداي جاسايدى. بۇدان بٶلەك, قازاقستاننىڭ تسيفرلىق ەكونوميكاسىنىڭ نەگٸزگٸ ەلەمەنتتەرٸنٸڭ بٸرٸ سانالاتىن دەرەكتەردٸ ٶڭدەۋ ورتالىقتارىنىڭ القابىن قۇرۋعا نيەتتٸمٸز. بٸرەگەي جوبا جاھاندىق كاپيتال مەن ەلەمنٸڭ جەتەكشٸ تەحنولوگييالىق كومپانييالارىنىڭ باسىن قوساتىن قۋاتتى ورتالىققا اينالماق. Amazon, G42 جەنە باسقا دا سالالىق كٶشباسشىلار وسى ەكوجٷيەگە قاتىسۋ مٷمكٸندٸگٸن قاراستىرا باستادى", – دەدٸ مەملەكەت باسشىسى.
