Aýyl sharýashylyǵy vitse-ministri Amanǵali Berdalin Jetisý oblysyna issaparmen bardy, dep habarlaidy Dalanews.kz
Issapardyń basty maqsaty – óńirdiń agrarlyq salasyndaǵy qazirgi jaǵdaiymen tanysý, aýyl sharýashylyǵyn qoldaý men damytý sharalaryn talqylaý.
Sharýalarmen kezdesýde aýyl sharýashylyǵy vitse-ministri Amanǵali Berdalin Jetisý oblysy Qazaqstannyń aýyl sharýashylyǵynda mańyzdy oryn alatynyn atap ótti. Óńirdiń jalpy óńirlik ónimindegi aýyl sharýashylyǵynyń úlesi shamamen 15,2%-dy quraidy.
2025 jylǵa qarai Qazaqstan boiynsha aýyl sharýashylyǵy daqyldarynyń boljamdy egis kólemi 23,7 mln gektardy quraidy, bul ótken jylmen salystyrǵanda 412,6 myń gektarǵa artyq. Jetisý oblysynda bul kórsetkish 510,7 myń gektardy quraidy.
Egis jumystaryna qajetti tuqym kólemi 2,3 mln tonna bolsa, Jetisý oblysynda qajetti tuqymnyń 100%-y daiyndalǵan.
«Biz aýyl sharýashylyǵyn damytýǵa baǵyttalǵan júieli sharalardy júzege asyrýdy jalǵastyryp kelemiz. Sharýalardy qoldaý, infraqurylymdy damytý jáne tehnikany jańǵyrtý – memlekettik saiasattyń basty basymdyqtarynyń biri bolyp qala beredi», – dep atap ótti vitse-ministr.
Óz kezeginde aýyl sharýashylyǵy taýaryn óndirýshiler agroónerkásiptik keshendi damytý, kóktemgi dala jumystary men sýbsidiialaý máseleleri boiynsha óz usynystary men suraqtaryn jetkizdi.
Sapar barysynda ol birqatar sharýa qojalyqtaryn, sút-taýar fermalaryn, bordaqylaý alańdaryn, veterinariialyq pýnktter men stantsiialardy aralap, veterinariialyq mamandarmen jáne balyq sharýashylyǵy salasynyń ókilderimen kezdesti.
Vitse-ministr avstraliialyq tehnologiiany qoldaný arqyly etti mal sharýashylyǵy jáne óńdeý salasynda investitsiialyq jobalardy iske asyryp jatqan «Jer-Sý» korporatsiiasyna bardy.
Óndiristik klaster aiasynda asyl tuqymdy mal basyn kóbeitý, bordaqylaý alańynyń qýattylyǵyn iri qara mal boiynsha 10 myńnan 20 myń basqa, usaq mal boiynsha 20 myńnan 50 myń basqa deiin ulǵaitý, jem zaýytyn salý jáne et ónimderin óńdeýge arnalǵan qural-jabdyqtar ornatý josparlanǵan.
Jobalardy iske asyrý óńirdiń eksporttyq áleýetin aitarlyqtai arttyryp, qosymsha jumys oryndaryn ashýǵa jáne etti mal sharýashylyǵyn tiimdi damytýǵa múmkindik beredi.
Sondai-aq, joba aiasynda tabiǵi bal, bal negizindegi djemder, tabiǵi komponenttermen jasalǵan kremder, balzamdar jáne basqa da kosmetikalyq ónimder shyǵaratyn ara sharýashylyǵy ónimderin óńdeý zaýyty bar.
Amanǵali Berdalinge óndiristik jeliler, gigienalyq jáne qaptama standarttary, ónim túrleri tanystyryldy.
Ol mundai keshendi jobalardy damytýdyń mańyzdylyǵyn atap ótti, sebebi olar aýyl sharýashylyǵy shikizatyn tiimdi óńdep, eksporttyq áleýeti bar joǵary marjinaldy daiyn ónim shyǵarýǵa múmkindik beredi.
Óńirde Soltústik Qazaqstan oblysynyń tájiribesi negizinde 3 sút-taýar fermasy iske asyrylýda.
«TastóbeAgroFýd» JShS-niń jobalyq qýattylyǵy – jylyna 5,7 myń tonna, «Táýelsizdik» JShS – 3,6 myń tonna, al «Taý Samal» JShS – 5,4 myń tonna sút óndirýge baǵyttalǵan.
Aýyl sharýashylyǵy taýaryn óndirýshilermen kezdesýde baǵdarlamanyń júzege asyrylý nátijeleri jáne ony keńeitý boiynsha aldaǵy josparlar talqylandy.
