2017 jyldyń qorytyndylary jaily baiandaǵan oblys ákimi A. Batalov 2017 jyly oblystyń barlyq negizgi áleýmettik-ekonomikalyq damý kórsetkishteri tabysty iske asyrylǵanyn atap ótti.Ekonomika ósimi 2,7%-dy (RK – 104%) qurap, menshikti kiris 24%-ǵa ósken. 527 mlrd. teńge investitsiia tartyldy, 26 myńnan astam jumys orny qurylyp, jumyssyzdyq deńgeii 4,7%-ǵa (QR – 4,9%) tómendegen. Ónerkásipte óndiris kólemi 2,9% ósimmen 750 mlrd. teńgeden asty.
Indýstriialyq - innovatsiialyq damý baǵdarlamasynyń arqasynda óńdeýshi sektordaǵy ónim shyǵarý 2 esege ósken jáne qazir onyń úlesi 85%-dy quraidy.
Indýstriialandyrý kartasy sheńberinde investitsiialar kólemi 319 mlrd. teńge bolatyn barlyǵy 55 joba iske asyrylyp, 8,7 myń jumys orny quryldy. Aýyl shaýashylyǵy óndirisindegi jalpy ónim kólemi boiynsha respýblikada birinshi orynnan kórinip, ótken jyly bul kórsetkish 3,3%-ke ósip, 648 mlrd. teńgeni qurady.
Biylǵy jyldyń mindetterin sóz etken Amandyq Batalov «Prezidenttiń 5 áleýmettik bastamasyna» erekshe toqtalyp ótti. Sonymen qatar Memleket basshysynyń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» Joldaýyndaǵy basym baǵyttardy júzege asyrý jolyndaǵy jobalar týraly da aitty. Máselen, óńirdegi 40 kásiporynǵa innovatsiialyq tehnologiialar men tsifrlandyrýlar engiziledi. Jańa zaýyttarǵa «Indýstriia 4.0» elementterin qoldaný josparlanyp otyr. Olardyń aldyńǵy qatarynda transulttyq kompaniialar qatysatyn,eksportqa baǵyttalǵan innovatsiialyq ónerkásipterdiń qurylysy boiynsha 9 joba bar. Atap aitqanda, jergilikti shikizat negizinde ónim shyǵaratyn, 500 jumys ornyn quratyn «Mareven Fýd» zaýyty, «aqyldy» avtomattandyrylǵan júiemen tolyq qamtylǵan, mailaityn materialdar óndiretin «Lýkoil» zaýyty, «Baýman» nemis kompaniiasy júzege asyratyn, 30 myń tonna qýattylyǵy bar, usaq mal etin tereńnen óńdeitin jobany aitýǵa bolady. Munyń bári ónerkásip óndirisiniń kólemin 2020 jylǵa qarai 1 trln. teńgege jetkizýge múmkindik beredi.
Munan soń oblys ákimi alda turǵan basym baǵyttar retinde memlekettik-jekemenshik seriktestik negizinde aýyl sharýashylyǵynda sút óndirisin damytý, kartop ósirýdi óndiristik deńgeige jetkizýdi atap ótti. Bul oraida irrigatsiialyq júielerdi qalpyna keltirý esebinen paidalanylmaǵan sýarmaly jerler belsendi túrde ainalymǵa engiziletin bolady. Josparlanǵan 216 myń gektar jerdiń biylǵy jyly 25 myń gektar sýarmaly jeri qoldanysqa qosylady. Sóitip jańa bastamalardyń arqasynda aýyl sharýashylyǵyndaǵy jalpy ónim kólemi 2021 jylǵa qarai 200 mlrd. teńgege jetpek nemese 1,3 esege ósedi.
Sonymen qatar kásipkerlikti, týrizmdi damytýǵa, áleýmettik, turǵyn úi-kommýnaldyq sharýashylyǵy salalaryna erekshe kóńil bólindi.
Óńirdi gazdandyrý, jol qurylystaryn júrgizý, mádeniet pen sportty damytý da turaqty nazarda. Oblys ortalyǵyn abattandyrý isi jalǵastyrylady.
– Biylǵy jyly Drama teatrynyń, mýzyka mektebiniń jáne 1200 oryndyq eki mekteptiń qurylysyn aiaqtaimyz, júzý basseininiń, jeńil atletika manejiniń jáne «Azamattarǵa arnalǵan úkimet» ǵimaratynyń qurylystary bastalady. Ortalyq alańdy jáne Mádeniet saraiynyń qasbetin jańǵyrtý aiaqtalady. Qala turǵyndarynyń qolaily jáne jaqsy ómir súrýi úshin «Smart siti» jobasy iske asyrylýda, – dedi A. Batalov.
Oblystyń damý qorytyndylary týraly baiandamadan keiin oblys basshysyna qoǵamdyq keńes músheleri tarapynan birqatar saýaldar qoiyldy. Atap aitqanda, sharýalarǵa aýyl sharýashylyǵyndaǵy kooperatsiialyq júieniń jańa ózgeristerin aqparattyq túsindirýdi keńinen qolǵa alý, Balqash kóliniń jaǵalaýynda sapaly qyzmet kórsetý nysandaryn salý, mal basyn kóbeitýge den qoiý, sút óndirisin damytýda irgelilerimen qatar shaǵyn sharýashylyqtarǵa da qoldaý kórsetý, Taldyqorǵan agrotehnikalyq kolledjine jataqhana salý qajettigi t.b. máseleler kóterildi. Saýaldardyń bárine tolyqqandy jaýap bergen oblys ákimi týrizmde, aýyl sharýashylyǵynda, áleýmettik jáne basqa da salalarda atalǵan máselelerdiń barlyǵy da qamtylatynyn aitty.
Jiynda oblystyq qoǵamdyq kelisim músheleri oblys ákimi A. Batalovtyń ótken jylǵy atqarǵan jumysyna qanaǵattanarlyq degen baǵa berdi.
Otyrysty qorytyndylaǵan oblystyq qoǵamdyq keńestiń tóraǵasy Álihan Toibaev sońǵy jyldary óńirde jetistikter men jaqsy jańalyqtardyń mol ekenin atap ótip, bul oraida oblys basshylyǵyna keńes músheleri atynan rizashylyǵyn bildirip, jumysyna tabys tiledi.
Almaty oblysy ákiminiń baspasóz qyzmeti
https://dalanews.kz/34218
