2017 جىلدىڭ قورىتىندىلارى جايلى بايانداعان وبلىس اكىمى ا. باتالوۆ 2017 جىلى وبلىستىڭ بارلىق نەگىزگى الەۋمەتتىك-ەكونوميكالىق دامۋ كورسەتكىشتەرى تابىستى ىسكە اسىرىلعانىن اتاپ ءوتتى.ەكونوميكا ءوسىمى 2،7%-دى (رك – 104%) قۇراپ، مەنشىكتى كىرىس 24%-عا وسكەن. 527 ملرد. تەڭگە ينۆەستيسيا تارتىلدى، 26 مىڭنان استام جۇمىس ورنى قۇرىلىپ، جۇمىسسىزدىق دەڭگەيى 4،7%-عا (ق ر – 4،9%) تومەندەگەن. ونەركاسىپتە ءوندىرىس كولەمى 2،9% وسىممەن 750 ملرد. تەڭگەدەن استى.
يندۋستريالىق - يننوۆاسيالىق دامۋ باعدارلاماسىنىڭ ارقاسىندا وڭدەۋشى سەكتورداعى ءونىم شىعارۋ 2 ەسەگە وسكەن جانە ءقازىر ونىڭ ۇلەسى 85%-دى قۇرايدى.
يندۋستريالاندىرۋ كارتاسى شەڭبەرىندە ينۆەستيسيالار كولەمى 319 ملرد. تەڭگە بولاتىن بارلىعى 55 جوبا ىسكە اسىرىلىپ، 8،7 مىڭ جۇمىس ورنى قۇرىلدى. اۋىل شاۋاشىلىعى وندىرىسىندەگى جالپى ءونىم كولەمى بويىنشا رەسپۋبليكادا ءبىرىنشى ورىننان كورىنىپ، وتكەن جىلى بۇل كورسەتكىش 3،3%-كە ءوسىپ، 648 ملرد. تەڭگەنى قۇرادى.
بيىلعى جىلدىڭ مىندەتتەرىن ءسوز ەتكەن اماندىق باتالوۆ «پرەزيدەنتتىڭ 5 الەۋمەتتىك باستاماسىنا» ەرەكشە توقتالىپ ءوتتى. سونىمەن قاتار مەملەكەت باسشىسىنىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىنداعى باسىم باعىتتاردى جۇزەگە اسىرۋ جولىنداعى جوبالار تۋرالى دا ايتتى. ماسەلەن، وڭىردەگى 40 كاسىپورىنعا يننوۆاسيالىق تەحنولوگيالار مەن سيفرلاندىرۋلار ەنگىزىلەدى. جاڭا زاۋىتتارعا «يندۋستريا 4.0» ەلەمەنتتەرىن قولدانۋ جوسپارلانىپ وتىر. ولاردىڭ الدىڭعى قاتارىندا ترانسۇلتتىق كومپانيالار قاتىساتىن،ەكسپورتقا باعىتتالعان يننوۆاسيالىق ونەركاسىپتەردىڭ قۇرىلىسى بويىنشا 9 جوبا بار. اتاپ ايتقاندا، جەرگىلىكتى شيكىزات نەگىزىندە ءونىم شىعاراتىن، 500 جۇمىس ورنىن قۇراتىن «ماريەۆەن فۋد» زاۋىتى، «اقىلدى» اۆتوماتتاندىرىلعان جۇيەمەن تولىق قامتىلعان، مايلايتىن ماتەريالدار وندىرەتىن «لۋكويل» زاۋىتى، «باۋمان» نەمىس كومپانياسى جۇزەگە اسىراتىن، 30 مىڭ توننا قۋاتتىلىعى بار، ۇساق مال ەتىن تەرەڭنەن وڭدەيتىن جوبانى ايتۋعا بولادى. مۇنىڭ ءبارى ونەركاسىپ ءوندىرىسىنىڭ كولەمىن 2020 جىلعا قاراي 1 ترلن. تەڭگەگە جەتكىزۋگە مۇمكىندىك بەرەدى.
مۇنان سوڭ وبلىس اكىمى الدا تۇرعان باسىم باعىتتار رەتىندە مەملەكەتتىك-جەكەمەنشىك سەرىكتەستىك نەگىزىندە اۋىل شارۋاشىلىعىندا ءسۇت ءوندىرىسىن دامىتۋ، كارتوپ ءوسىرۋدى وندىرىستىك دەڭگەيگە جەتكىزۋدى اتاپ ءوتتى. بۇل ورايدا يرريگاسيالىق جۇيەلەردى قالپىنا كەلتىرۋ ەسەبىنەن پايدالانىلماعان سۋارمالى جەرلەر بەلسەندى تۇردە اينالىمعا ەنگىزىلەتىن بولادى. جوسپارلانعان 216 مىڭ گەكتار جەردىڭ بيىلعى جىلى 25 مىڭ گەكتار سۋارمالى جەرى قولدانىسقا قوسىلادى. ءسويتىپ جاڭا باستامالاردىڭ ارقاسىندا اۋىل شارۋاشىلىعىنداعى جالپى ءونىم كولەمى 2021 جىلعا قاراي 200 ملرد. تەڭگەگە جەتپەك نەمەسە 1،3 ەسەگە وسەدى.
سونىمەن قاتار كاسىپكەرلىكتى، ءتۋريزمدى دامىتۋعا، الەۋمەتتىك، تۇرعىن ۇي-كوممۋنالدىق شارۋاشىلىعى سالالارىنا ەرەكشە كوڭىل ءبولىندى.
ءوڭىردى گازداندىرۋ، جول قۇرىلىستارىن جۇرگىزۋ، مادەنيەت پەن سپورتتى دامىتۋ دا تۇراقتى نازاردا. وبلىس ورتالىعىن اباتتاندىرۋ ءىسى جالعاستىرىلادى.
– بيىلعى جىلى دراما تەاترىنىڭ، مۋزىكا مەكتەبىنىڭ جانە 1200 ورىندىق ەكى مەكتەپتىڭ قۇرىلىسىن اياقتايمىز، ءجۇزۋ باسسەينىنىڭ، جەڭىل اتلەتيكا مانەجىنىڭ جانە «ازاماتتارعا ارنالعان ۇكىمەت» عيماراتىنىڭ قۇرىلىستارى باستالادى. ورتالىق الاڭدى جانە مادەنيەت سارايىنىڭ قاسبەتىن جاڭعىرتۋ اياقتالادى. قالا تۇرعىندارىنىڭ قولايلى جانە جاقسى ءومىر ءسۇرۋى ءۇشىن «سمارت سيتي» جوباسى ىسكە اسىرىلۋدا، – دەدى ا. باتالوۆ.
وبلىستىڭ دامۋ قورىتىندىلارى تۋرالى باياندامادان كەيىن وبلىس باسشىسىنا قوعامدىق كەڭەس مۇشەلەرى تاراپىنان ءبىرقاتار ساۋالدار قويىلدى. اتاپ ايتقاندا، شارۋالارعا اۋىل شارۋاشىلىعىنداعى كووپەراسيالىق جۇيەنىڭ جاڭا وزگەرىستەرىن اقپاراتتىق ءتۇسىندىرۋدى كەڭىنەن قولعا الۋ، بالقاش كولىنىڭ جاعالاۋىندا ساپالى قىزمەت كورسەتۋ نىساندارىن سالۋ، مال باسىن كوبەيتۋگە دەن قويۋ، ءسۇت ءوندىرىسىن دامىتۋدا ىرگەلىلەرىمەن قاتار شاعىن شارۋاشىلىقتارعا دا قولداۋ كورسەتۋ، تالدىقورعان اگروتەحنيكالىق كوللەدجىنە جاتاقحانا سالۋ قاجەتتىگى ت.ب. ماسەلەلەر كوتەرىلدى. ساۋالداردىڭ بارىنە تولىققاندى جاۋاپ بەرگەن وبلىس اكىمى تۋريزمدە، اۋىل شارۋاشىلىعىندا، الەۋمەتتىك جانە باسقا دا سالالاردا اتالعان ماسەلەلەردىڭ بارلىعى دا قامتىلاتىنىن ايتتى.
جيىندا وبلىستىق قوعامدىق كەلىسىم مۇشەلەرى وبلىس اكىمى ا. باتالوۆتىڭ وتكەن جىلعى اتقارعان جۇمىسىنا قاناعاتتانارلىق دەگەن باعا بەردى.
وتىرىستى قورىتىندىلاعان وبلىستىق قوعامدىق كەڭەستىڭ ءتوراعاسى ءاليحان تويبايەۆ سوڭعى جىلدارى وڭىردە جەتىستىكتەر مەن جاقسى جاڭالىقتاردىڭ مول ەكەنىن اتاپ ءوتىپ، بۇل ورايدا وبلىس باسشىلىعىنا كەڭەس مۇشەلەرى اتىنان ريزاشىلىعىن ءبىلدىرىپ، جۇمىسىنا تابىس تىلەدى.
الماتى وبلىسى اكىمىنىڭ باسپا ءسوز قىزمەتى
https://dalanews.kz/34218
