Búgin Almaty oblysynyń ákimi Amandyq Batalov Taldyqorǵan qalasynda İ.Jansúgirov atyndaǵy Mádenıet saraıynda ornalasqan № 974 saılaý ýchaskesine zaıybymen birge kelip, Qazaqstan Respýblıkasy Prezıdentiniń kezekten tys saılaýynda óz tańdaýyn jasap, daýys berdi, – dep habarlaıdy Almaty oblysy ákiminiń baspasóz qyzmeti.

Osy jerde jýrnalısermen tildesken oblys ákimi Amandyq Batalov:

– Búgin – búkil qazaqstandyqtar úshin mereke, Prezıdent saılaýy kúni. Elbasynyń sarabdal saıasatynyń arqasynda elimizde, sonyń ishinde Almaty oblysynda halyqtyń ál-aýqatyn arttyrýǵa baǵyttalǵan aýqymdy jumystar atqarylyp, barlyq múmkindikter jasalyp otyr. Jalpy bizdiń Almaty oblysy –halyq tyǵyz ornalasqan úlken oblys. Bizde 2 mıllıonnan astam turǵyn bolsa, sonyń 1 406 204-i- saılaýshylar.Sondyqtan oblystaǵy árbir saılaýshy óziniń durys tańdaýyn jasap, elimizdiń jarqyn bolashaǵy úshin daýys beredi dep senemin, – dedi óz sózinde.

Atap ótsek, Almaty oblysynda jalpy sany 1040 saılaý ýchaskesi bar.

 

Almaty oblysy ákiminiń baspasóz qyzmeti