«XXXII jazǵy olımpıada oıyndarynda úlken nátıjege qol jetkizýińizben shyn júrekten quttyqtaımyn! Barsha qazaqstandyqtarmen birge jetisýlyqtar da siz qatysqan dodany erekshe tolqynyspen tamashalady. Bizdiń úmitimiz ben senimimizdi tolyq aqtap, qazaqstandyq aýyr atletterdiń álemniń myqty sportshylarynyń qatarynda ekenin dáldedińiz.
Biz Sizben maqtanamyz jáne qola medal úshin rahmet aıtamyz. Bul jeńis - asa tartysty sporttyq jarysta Sizdiń sheberligińiz ben jattyqtyrýshylardyń eseli eńbeginiń jemisi. Almaty oblysy turǵyndarynyń atynan Sizge myqty densaýlyq, sportta jańa belester men jeńister tileımin!» - delingen telegrammada.
Sportshy 61 kg-ǵa deıingi sanatta jetistikke jetti. Birinshi týrdan keıin ol aralyq tórtinshi oryndy ıelendi. Alaıda, sodan keıin ol úshinshi bolýǵa múmkindik beretinziltemirdiń salmaǵyn kóterip, jeńiske jetti. Barlyǵy ol 294 (131+163) kg ziltemirdi kóterdi
Aıta keteıik, Igor Son 16.11.1998 jyly týǵan. Óz kezeginde Bastóbe aýylynyń turǵyndary jerlesi úshin óte qýanyshty jáne quttyqtaýlaryn jarıalaýda.
- Búgin, 2021 jylǵy 25 shilde, bárimiz úshin aıtýly kún: aýyl ákimin saılaý kúni jáne jerlesimiz Igor Sonnyń Tokıodaǵy (Japonıa) Olımpıada oıyndaryndaǵy jeńisi. Igordi jeńisimen shyn júrekten quttyqtaımyz. Bizdiń aýdanda myqty sportshylar kóp. Jańadan saılanǵan ákim bolashaq chempıondarǵa úlken kóńil bólgenin qalaımyz, - dedi Bastóbe aýylynyń turǵyny Vladımır Lı.
Igor Son Sporttyq ataǵy bar: aýyr atletıkadan Qazaqstan Respýblıkasynyń Eńbek sińirgen sport sheberi Sporttyq jetistikteri: 2019 jylǵy Álem chempıonatynyń kúmis júldegeri Pattaııa q. (Taıland), 2019 jylǵy "Katar Kýbogy" Halyqaralyq týrnıriniń chempıony G. Doha (Katar), 2020 jylǵy Halyqaralyq týrnırdiń chempıony Tashkent q. (Ózbekstan), 2021 jylǵy Azıanyń lısenzıalyq chempıonatynyń qola júldegeri Tashkent q. (Ózbekstan), Tokıo-2020 HHHİİ jazǵy Olımpıada oıyndarynyń qola júldegeri.
