Almaty oblysynyń Alakól jáne Qarabulaq qant zaýyttary qaıta qalpyna keltirilýi múmkin. Óńirdegi qyzylsha alqabynyń aýmaǵyn 35 myń gektarǵa ulǵaıtý arqyly qant qyzylshasy kólemin eki mıllıon tonnaǵa deıin jetkizý mejesi belgilengen. Bul týraly búgin Ortalyq komýnıkasıalar qyzmetinde brıfıń ótkizgen Almaty oblysynyń ákimi Amandyq Batalov málimdedi, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.

Almaty oblysy basshysy baıandamasynda Agroónerkásiptik keshende 2022-2026 jyldarǵa arnalǵan Ulttyq joba sheńberinde et, jemis-jıdek, kókónis, qant, sút ónimderi, dándi jáne maıly daqyldardy óndirý men óńdeý boıynsha jeti iri ekojúıe qalyptastyrý josparlanǵanyn atap ótti.

Óńirde 1,3 mln bas iri qara, 4,5 mln bas qoı-eshki, 1 mln. gektarǵa jýyq egis alqaby bar ekenin eskersek, oblys osy jobanyń eń belsendi qatysýshylarynyń biri bolyp tabylady.

– Mysaly, qant óndiretin eki zaýyt jumys istep tur, endi Alakól jáne Qarabulaq qant zaýyttaryn qalpyna keltirý josparlanýda. Osylaısha biz alqap aýmaǵyn 35 myń gektarǵa ulǵaıtý arqyly qant qyzylshasy kólemin eki mıllıon tonnaǵa deıin jetkizý mindetin qoıyp otyrmyz, – dep atap ótti A.Batalov.