Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Amandyq Batalov: «Jetisýda taǵy 2 qant zaýyty qalpyna keltiriledi»

Dalanews
Amandyq Batalov: «Jetisýda taǵy 2 qant zaýyty qalpyna keltiriledi»
Almaty oblysynyń Alakól jáne Qarabulaq qant zaýyttary qaita qalpyna keltirilýi múmkin. Óńirdegi qyzylsha alqabynyń aýmaǵyn 35 myń gektarǵa ulǵaitý arqyly qant qyzylshasy kólemin eki million tonnaǵa deiin jetkizý mejesi belgilengen. Bul týraly búgin Ortalyq kommýnikatsiialar qyzmetinde brifing ótkizgen Almaty oblysynyń ákimi Amandyq Batalov málimdedi, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.

Almaty oblysy basshysy baiandamasynda Agroónerkásiptik keshende 2022-2026 jyldarǵa arnalǵan Ulttyq joba sheńberinde et, jemis-jidek, kókónis, qant, sút ónimderi, dándi jáne maily daqyldardy óndirý men óńdeý boiynsha jeti iri ekojúie qalyptastyrý josparlanǵanyn atap ótti.

Óńirde 1,3 mln bas iri qara, 4,5 mln bas qoi-eshki, 1 mln. gektarǵa jýyq egis alqaby bar ekenin eskersek, oblys osy jobanyń eń belsendi qatysýshylarynyń biri bolyp tabylady.

– Mysaly, qant óndiretin eki zaýyt jumys istep tur, endi Alakól jáne Qarabulaq qant zaýyttaryn qalpyna keltirý josparlanýda. Osylaisha biz alqap aýmaǵyn 35 myń gektarǵa ulǵaitý arqyly qant qyzylshasy kólemin eki million tonnaǵa deiin jetkizý mindetin qoiyp otyrmyz, – dep atap ótti A.Batalov.
Amandyq Batalov Alakól Almaty oblysy Qarabulaq Agroónerkásiptik keshen qant zaýyttary Madina Sádýaqasova

Oqi otyryńyz