Amanattyqtar Qostanai turǵyndaryna 312 tonna gýmanitarlyq kómek jinady
Qostanai oblysyndaǵy órtten zardap shekken jáne evakýatsiialanǵan turǵyndar úshin «AMANAT» partiiasynyń músheleri 312 tonna gýmanitarlyq kómek jinady. Onda azyq-túlik, jyly kiim, jeke tazalyq quraldary, tósek-oryn, turmystyq tehnika jáne qurylys materialdary bar, – dep habarlaidy Dalanews.kz.
«Jastar Rýhy» jastar qanatynyń myńnan astam volonteri partiianyń aimaqtyq filialdary janyndaǵy gýmanitarlyq kómek jinaý pýnktterinde jumys istep jatyr.
145 tonna júk Qostanai oblysyna jóneltildi. Gýmanitarlyq kómek tielgen kólikterdi elordadaǵy jáne Aqmola, Atyraý, Aqtóbe, Soltústik Qazaqstan oblystaryndaǵy partiia músheleri jiberip úlgerdi. Almaty qalasynan júk kólikteri búgin túnde jolǵa shyǵady.
Aita keteiik, «Jastar Rýhy» jastar qanatynyń múshelerinen quralǵan volonterlerdiń alǵashqy toptary zardap shekkenderge kómek kórsetý jáne qalpyna keltirý jumystaryna qatysý úshin Qostanai oblysyna attandy.
Qazirgi ýaqytta volonterler partiia filialdary janynan ashylǵan gýmanitarlyq kómek jinaý pýnktterinde jumysyn jalǵastyrýda.
