Búgin partiianyń Astana qalasyndaǵy filialynan gýmanitarlyq kómek tielgen júk kóligi jolǵa shyqty. Amanattyqtar barlyǵy 1000-nan astam jańa elektr jylytqyshtar, kórpeler, termostar jáne taǵy basqa qajetti zattar joldady.
«Partiialyqtar Ekibastuzda oryn alǵan jaǵdaiǵa alańdap otyr. Amanattyqtar Arystaǵy, Maqtaaraldaǵy jáne Áýliekóldegi oqiǵalar kezinde zardap shekken qazaqstandyqtarǵa kómektesken bolatyn. Bul joly da shet qala almaimyz. Búgin elordadan eń qajetti zattar – jylytqyshtar, kórpeler jóneltiledi. Búginnen qalmai bul kómek Ekibastuz turǵyndaryna jetkiziledi», – dep atap ótti «AMANAT» partiiasy Astana qalasy filialynyń atqarýshy hatshysy Berik Jákenov.
Ekibastuzda volonterler shtaby ashyldy. «Jastar Rýhynyń» belsendileri úi-úidi aralap jatyr. Mobildi brigadalar jalǵyz turyp jatqan zeinetkerler, múgedekter, muqtaj otbasylar týraly aqparat jinaýda. Sondai-aq, partiianyń jastar qanatyndaǵy volonterler apattan qutqarýshy brigadalarǵa ystyq tamaq uiymdastyrý jumysymen de ainalysyp júr.
Parlament Májilisindegi «AMANAT» partiiasynyń depýtattyq fraktsiiasynyń músheleri, iaǵni Erlan Sairov, Vera Kim, Artýr Platonov, Janarbek Áshimjan, Aigúl Nurkina, Dúisenbai Turǵanov, Anatolii Boichin dál qazir Ekibastuz qalasynyń turǵyndaryna jedel kómek kórsetip jatyr.
