"Amanat" partiiasynyń eks-depýtaty Serikqan Jaqypov pedofil dep aiyptalyp, prokýror ony ómir boiy bas bostandyǵynan aiyrý jazasyn surap otyr, dep habarlaidy Dalanews.kz.
Aldaǵy kúnderi sot jeti jastaǵy balany zorlady degen kúdikke ilikken burynǵy máslihat depýtatyna qatysty úkim shyǵarady.
Jaqypovqa aryzdy balanyń anasy (onyń jaqyn týysy) túsirgen. Keiin bul derekti tiisti saraptama rastaǵan.
Eks-depýtattyń jubaiy kúieýiniń mundai qylmysqa barmaǵanyna senimdi ekenin málimdep, tergeý izoliatoryna as-aýqat salynǵan sálemdeme jiberýde.
Aita ketelik, Qańtardan keiin burynǵy "Nur Otan", qazirgi "Amanat" partiiasyna halyqtyń qarsylyǵy kúsheigen edi. Jurttyń pikirinshe partiia halyq sózine qulaq asa bermeidi. "Eski Qazaqstannan" muraǵa qalǵan saiasi uiym buqaranyń seniminen aiyrylǵan.
