Saltanatty rásimdi ashqan «AMANAT» partiiasynyń Atqarýshy hatshysy Ashat Oralov partiia – bul eń aldymen ortaq qundylyq aiasynda birikken múddeles azamattardyń uiymy ekenin atap ótti.
– Qazir partiia transformatsiialaný kezeńinde. Bul rette «AMANAT» elimizdiń basty saiasi kúshi jáne Memleket basshysynyń qoǵamdaǵy tiregi bolyp qala beredi. Ózderińizge málim, Prezident Qasym-Jomart Toqaev aýqymdy saiasi reformalar paketin jariialap, elimiz ózgerister jolyna tústi. Maýsym aiynda jalpyhalyqtyq referendým ótedi jáne oǵan árbir partiia múshesiniń, árbir azamattyń qatysýy – bizdiń ortaq boryshymyz, – dep atap ótti Ashat Oralov.
Atqarýshy hatshy «AMANAT» partiiasynyń transformatsiialaýǵa qatysty jobalaryn sapaly iske asyrýǵa partiianyń jańa músheleri óz úlesi men tyń ideiasyn qosady degen senim bildirdi.
Búgin partiia qataryna qosylǵandardyń arasynda – telejýrnalist Maqsat Tolyqbai, «Talap» KEAQ prezidenti Oljas Ordabaev, «Ádilet» respýblikalyq qaýymdastyǵynyń tóraiymy Dinara Qudaiqulova, «Qazaqstan Halqyna» Qoǵamdyq qory basqarma tóraǵasynyń orynbasary Lázzat Shyńǵysbaeva, «Qorǵan» múgedekter qoǵamdyq birlestiginiń basshysy Nurgúl Baiqazaqova, «Komfortstroi» JShS bas direktory Bekzat Myrzahmet jáne taǵy basqalar bar.
Óz kezeginde, telejýrnalist Maqsat Tolyqbai azamattardyń problemalaryn sheshý úshin «AMANAT» partiiasynyń zor áleýeti bar ekenin atap ótti.
– Maǵan túrli máselelermen jii júginedi, jýrnalist retinde olardy qoǵamǵa, memlekettik organdarǵa jetkizýge tyrysamyn. Endi partiia qataryna qosylý arqyly mende olardy sheshýdiń taǵy bir quraly bolady, – dedi ol.
«Biz barlyq salada transformatsiia kezeńin bastan ótkerip jatyrmyz jáne «AMANAT» partiiasy osy istiń aldyńǵy shebinde tur. Partiia qataryna qosylý – bir jaǵynan jańa múmkindikterge jol ashsa, ekinshi jaǵynan úlken jaýapkershilik júkteidi» dedi saiasattanýshy, jýrnalist Saiat Jóken.
«Jastar Alaýy» qorynyń tóraiymy Diliara Begalyqyzy partiia qataryna qosylý – elimizdiń damýyna óz úlesin qosý úshin taǵy bir múmkindik beretinin atap óttti. «Jastar memleket pen qoǵamnyń qozǵaýshy kúshi bolýy tiis. Dál osy partiia jastardyń ómir sapasyn arttyryp, áleýetin asha alatynyna senimdimin», dep óz oiymen bólisti Diliara Begalyqyzy.
Partiia qataryna qabyldaý «AMANAT»-tyń barlyq óńirdegi filialdarynda ótip jatyr.
