Abaidyń «Jidebai – Bórili» qoryq-murajaiynda partiianyń Atqarýshy hatshysy Abai aýdanynyń aqsaqaldarymen júzdesti.
– Memleket basshysy Qasym-Jomart Toqaev óziniń 16 naýryzdaǵy tarihi Joldaýynda úsh jańa oblys qurylatynyn aitty. Abai oblysynyń ortalyǵy Semei qalasy bolady. Bul tarihi ári ádiletti sheshim, eń aldymen, óńirdiń damýyna qýatty serpin berip, onyń turǵyndary úshin jańa múmkindikter jasaidy, – dedi Ashat Oralov.
Óz kezeginde aqyn, Qazaqstan Jazýshylar odaǵynyń múshesi Tólegen Janǵaliev munyń Semei turǵyndary kópten kútkenin sheshim bolǵanyn atap ótti.
– Biz Prezidenttiń Joldaýyn muqiiat tyńdadyq jáne ony tolyq qoldaimyz. Ásirese, Abai oblysyn qurý jónindegi sheshimine airyqsha qýandyq. Bul sheshim – Memleket basshysynyń hákim Abaiǵa jáne Shyǵys jurtyna degen qurmetiniń belgisi. Osynda otyrǵan aqsaqaldar jaǵymdy jańalyqty estigen kúnniń erteńinde Memleket basshysyna alǵysyn aityp, telegramma joldady, – dedi Tólegen Janǵaliev.
– Abai oblysyn qurý – Prezidenttiń dana da, dara sheshimi boldy. Bizdiń oblys «Jańa Qazaqstandy» qurýǵa, sonyń ishinde rýhani, mádeni, áleýmettik, ekonomikalyq aspektilerge qomaqty úles qosatynyna senimdimiz, – dedi filologiia ǵylymdarynyń doktory, professor Arap Espenbetov.
Sondai-aq, Atqarýshy hatshy Uly Otan soǵysynyń ardageri 100 jastaǵy Aleksandr Atavin, partiia ardagerleri Oralhan Sartaev pen Vladimir Halinniń úilerine arnaiy bardy.
Budan soń «AMANAT» partiiasynyń Atqarýshy hatshysy «Gold King» sporttyq-saýyqtyrý kesheninde parasportshylarmen júzdesip, «Kedergisiz keleshek» partiialyq jobasy aiasynda erekshe qajettilikteri bar adamdardy qoldaý jáne qoljetimdi qalalyq orta qurý máselelerin talqylady.
Kezdesýde búginde óńirde 300-ge jýyq bastaýysh partiia uiymyna biriktirilgen 52 myńnan astam partiia múshesi bary aityldy. Barlyq deńgeidegi máslihattardyń 290 depýtatynyń 85,6%-y – «AMANAT» partiiasynyń ókili. 104 aýyldyq okrýgte ótken sailaý qorytyndysy boiynsha «AMANAT» partiiasynyń atynan qatysqan kandidattardyń 82%-y jeńiske jetti.
Jyl basynan beri Shyǵys Qazaqstan oblysy boiynsha partiianyń qoǵamdyq qabyldaý bólmelerine 2,5 myńnan astam ótinish kelip tústi. Negizinen adamdar áleýmettik qoldaý, jer telimderin bólý, turǵyn úi-kommýnaldyq sharýashylyq máseleleri boiynsha ótinish bildirdi. Naýryz aiynan bastap mobildi qoǵamdyq qabyldaýlar shalǵai aýyldarǵa barady.
Belsendi jastarmen kezdesý kezinde óskeleń urpaqty jergilikti jerlerde tolǵandyratyn negizgi máseleler talqylandy. Búginde Shyǵys Qazaqstan oblysyndaǵy jas depýtattar korpýsynda «AMANAT» partiiasyna múshe 35 jasqa deiingi 43 otandasymyz bar.
