Qabyldaý barysynda oblystyq partiia filialynyń Atqarýshy hatshysy Beisen Tájibaev jáne oblystyq máslihat depýtaty Ǵabiden Qapalbaev turǵyndarmen birge problemany zerdeleýge arnaiy bardy.
Aýyl janashyrlarynyń ýájin tyńdaǵan B.Tájibaev:
– Bul máseleler oblystyq máslihattyń kezekti sessiiasynda qaralyp, qajetti qarajat iaǵni 106 mln teńge bólinse biyl turǵyndardyń talaby oryndalady, – deidi. Al ózen arnalaryn qalpyna keltirý jumystary Ǵ.Qapalbaevtyń demeýshiligimen júzege asyp, másele oń sheshilmek.
Báidibek aýdanynda ótken kezekti mobildi qoǵamdyq qabyldaýlarda 210 azamat partiiaǵa senim bildirip, belsendilik tanytty. Atap aitqanda, Borlysai, Almaly, Bógen, Boraldai, Aǵybet, Jambyl aýyldyq okrýgterinen kelgen turǵyndar muń-muqtajdaryn jetkizdi.
Shalǵaidaǵy 6 aýylǵa da ortaq máseleler kelesidei: jaiylym jáne egistik jerlerdi úlestirý, aýyz sý jáne gazben qamtý, aǵyn sý jáne kanaldardy tazalaý, kóshelerdi jaryqtandyrý, asfalt joldar salý, qoǵamdyq kólikterdi kóbeitý, jańa sport zaldar men alańshalar salý jáne eskilerine kúrdeli jóndeý jasaý, zeinet jasyn qysqartý, sýbsidiia alý, halyqty qujattandyrý, internet sapasynyń nasharlaýy.
Máselen, Bógen aýyldyq okrýgi, Shaldar aýylynyń turǵyny Q.Kúzdeýov dárigerlik ambýlatoriiaǵa jóndeý jumystarynyń jasalý ýaqytyn anyqtaýǵa kelgen. Oblystyq qoǵamdyq densaýlyq basqarmasynyń málimdeýinshe, aldaǵy mamyr aiynda jóndeý jumystary aiaqtalyp, qoldanysqa beriledi.
Jaýapty basqarmalar men jergilikti bólimder tarapynan másele aiasyna qarai túsindirmeler júrgizilip, keńester berildi. M.Tileýberdiev zeinetaqysyn UOS ardagerlerimen teńestirýge ótinish jasady. Oblystyq jaýapty basqarma QR Eńbek jáne halyqty qorǵaý ministrligine hat joldaityndaryn habarlady.
Sheshilýi ýaqytty qajet etetin ótinishter de jii kezdesti. Máselen, Terekti mektebine qosymsha 10 synyptyq oryn salý qajettiligi týyndap otyr. Sebebi bilim ordasynda 332 oqýshy bar. Bul másele sheshilmese úsh aýysymdy mektepter qataryna ený qaýpi turǵyndardy mazalaýda. B.Tájibaev óz atynan depýtattyq saýal joldap, ońtaily joldardy qarastyratynyn aitty. Aýdandyq máslihat depýtattary da birqatar shaǵymdardy jeke baqylaýlaryna aldy.
Tirkelgen barlyq ótinish zań aiasynda qaralady. Oblystyq partiia filialynyń aralasýymen sheshilgen máseleler aldaǵy ýaqytta qosymsha jariialanatyn bolady. Kelesi qabyldaýlardy Tólebi aýdanynda ótkizý josparlanýda.
