قابىلداۋ بارىسىندا وبلىستىق پارتيا فيليالىنىڭ اتقارۋشى حاتشىسى بەيسەن تاجىبايەۆ جانە وبلىستىق ءماسليحات دەپۋتاتى عابيدەن قاپالبايەۆ تۇرعىندارمەن بىرگە پروبلەمانى زەردەلەۋگە ارنايى باردى.
اۋىل جاناشىرلارىنىڭ ءۋاجىن تىڭداعان ب.تاجىبايەۆ:
– بۇل ماسەلەلەر وبلىستىق ءماسليحاتتىڭ كەزەكتى سەسسياسىندا قارالىپ، قاجەتتى قاراجات ياعني 106 ملن تەڭگە بولىنسە بيىل تۇرعىنداردىڭ تالابى ورىندالادى، – دەيدى. ال وزەن ارنالارىن قالپىنا كەلتىرۋ جۇمىستارى ع.قاپالبايەۆتىڭ دەمەۋشىلىگىمەن جۇزەگە اسىپ، ماسەلە وڭ شەشىلمەك.
بايدىبەك اۋدانىندا وتكەن كەزەكتى ءموبيلدى قوعامدىق قابىلداۋلاردا 210 ازامات پارتياعا سەنىم ءبىلدىرىپ، بەلسەندىلىك تانىتتى. اتاپ ايتقاندا، بورلىساي، المالى، بوگەن، بورالداي، اعىبەت، جامبىل اۋىلدىق وكرۋگتەرىنەن كەلگەن تۇرعىندار مۇڭ-مۇقتاجدارىن جەتكىزدى.
شالعايداعى 6 اۋىلعا دا ورتاق ماسەلەلەر كەلەسىدەي: جايىلىم جانە ەگىستىك جەرلەردى ۇلەستىرۋ، اۋىز سۋ جانە گازبەن قامتۋ، اعىن سۋ جانە كانالداردى تازالاۋ، كوشەلەردى جارىقتاندىرۋ، اسفالت جولدار سالۋ، قوعامدىق كولىكتەردى كوبەيتۋ، جاڭا سپورت زالدار مەن الاڭشالار سالۋ جانە ەسكىلەرىنە كۇردەلى جوندەۋ جاساۋ، زەينەت جاسىن قىسقارتۋ، سۋبسيديا الۋ، حالىقتى قۇجاتتاندىرۋ، ينتەرنەت ساپاسىنىڭ ناشارلاۋى.
ماسەلەن، بوگەن اۋىلدىق وكرۋگى، شالدار اۋىلىنىڭ تۇرعىنى ق.كۇزدەۋوۆ دارىگەرلىك امبۋلاتورياعا جوندەۋ جۇمىستارىنىڭ جاسالۋ ۋاقىتىن انىقتاۋعا كەلگەن. وبلىستىق قوعامدىق دەنساۋلىق باسقارماسىنىڭ مالىمدەۋىنشە، الداعى مامىر ايىندا جوندەۋ جۇمىستارى اياقتالىپ، قولدانىسقا بەرىلەدى.
وسى سىندى وتىنىشتەردەن بولەك جەكە تالاپ-تىلەكتەردىڭ قاتارىندا دارىگەرلىك جانە الەۋمەتتىك كومەك الۋ، جۇمىسسىزدىق، بالالاردى قامقورشىلىققا الۋ جايلى وتىنىشتەر قابىلداندى.
جاۋاپتى باسقارمالار مەن جەرگىلىكتى بولىمدەر تاراپىنان ماسەلە اياسىنا قاراي تۇسىندىرمەلەر جۇرگىزىلىپ، كەڭەستەر بەرىلدى. م.تىلەۋبەردييەۆ زەينەتاقىسىن ۇوس ارداگەرلەرىمەن تەڭەستىرۋگە ءوتىنىش جاسادى. وبلىستىق جاۋاپتى باسقارما ق ر ەڭبەك جانە حالىقتى قورعاۋ مينيسترلىگىنە حات جولدايتىندارىن حابارلادى.
شەشىلۋى ۋاقىتتى قاجەت ەتەتىن وتىنىشتەر دە ءجيى كەزدەستى. ماسەلەن، تەرەكتى مەكتەبىنە قوسىمشا 10 سىنىپتىق ورىن سالۋ قاجەتتىلىگى تۋىنداپ وتىر. سەبەبى ءبىلىم ورداسىندا 332 وقۋشى بار. بۇل ماسەلە شەشىلمەسە ءۇش اۋىسىمدى مەكتەپتەر قاتارىنا ەنۋ ءقاۋپى تۇرعىنداردى مازالاۋدا. ب.تاجىبايەۆ ءوز اتىنان دەپۋتاتتىق ساۋال جولداپ، وڭتايلى جولداردى قاراستىراتىنىن ايتتى. اۋداندىق ءماسليحات دەپۋتاتتارى دا ءبىرقاتار شاعىمداردى جەكە باقىلاۋلارىنا الدى.
تىركەلگەن بارلىق ءوتىنىش زاڭ اياسىندا قارالادى. وبلىستىق پارتيا فيليالىنىڭ ارالاسۋىمەن شەشىلگەن ماسەلەلەر الداعى ۋاقىتتا قوسىمشا جاريالاناتىن بولادى. كەلەسى قابىلداۋلاردى تولەبي اۋدانىندا وتكىزۋ جوسپارلانۋدا.
