Erteń Astana qalasynyń Ortalyq saiabaǵyndaǵy amfiteatrda «AMANAT» partiiasynyń «Jastar Rýhy» Jastar qanaty «Altyn dombyra» óner mektebimen birlesip Ulttyq dombyra kúnine orai «Eldik rýhym – dombyra» gala-kontsertin ótkizýdi josparlaýda, – dep habarlaidy Dalanews.kz.
Kontsertte Ibragim Eskendir jáne «Altyn dombyra» óner mektebi shákirtteri men ustazdary óner kórsetedi.
Gala-kontsertte 500-ge jýyq jas dombyrashy kúmbirletip kúi shertip, áýezdi án salady. Sondai-aq ánshi Ibragim Eskendirdiń jańa ániniń tusaýkerseri bolmaq.
Kesh barysynda Qurmanǵazynyń kúii «Balbyraýyn», «Adai» jáne elimizge tanymal «Erkesylqym» «Áke» tolǵaýy men basqa da qazaq kúilerin jandy daýysta oryndaidy.
Keshke «AMANAT» partiiasynyń basshylyǵy, QR Parlamenti májilisiniń depýtattary, Astana qalasy ákimdigi, sonymen qatar qoǵam jáne mádeniet qairatkerleri qatysady.
Is-sharanyń maqsaty – jas urpaqtyń shyǵarmashylyq qabiletin ósire otyryp, Otansúigishtikke baýlý, ulttyq qundylyqtardy qurmetteitin, óresi biik urpaq tárbieleý. Ónerge beiimdeý arqyly ásemdik álemin tanytý, ónerge degen súiispenshiligin, ynta-yqylasyn arttyrý.
