«AMANAT» jaýapkershilikti ár depýtatpen birge bólisedi – Erlan Qoshanov
«AMANAT» partiiasy óńirlik máslihattarda partiialyq tizimmen jáne bir mandatty okrýgterden sailanǵan depýtattarǵa árdaiym qoldaý kórsetip otyrady deidi partiianyń Tóraǵasy Erlan Qoshanov.
Búgin Astanada ótken barlyq deńgeidegi máslihat depýtattarynyń respýblikalyq forýmyna 2,5 myńnan astam delegat qatysty.
«Biz – bir komandamyz! Partiialyq tizimmen jáne bir mandatty okrýgten sailanǵan depýtattardyń quzyreti de, jaýapkershiligi de birdei. Bir mandatty depýtattar halyqtyń senimimen, partiianyń qoldaýymen sailanǵan. Sondyqtan, partiia sizderdi jalǵyz qaldyrmaidy. Buǵan deiin de qoldap kelgenbiz jáne qoldai beremiz. Óitkeni, ár depýtattyń ýádesi – partiianyń da ýádesi. «AMANAT» jaýapkershilikti ár depýtatpen birge bólisedi», – dedi Erlan Qoshanov.
Sondai-aq, ol sailaý kezinde Shyǵys Qazaqstan oblysynyń turǵyndary shekaralyq aýdandardy qalpyna keltirý máselesin qozǵanyn jáne bul ótinishti Memleket basshysyna jetkizýge ýáde berip, onyń oryndalǵanyn jetkizdi.
«Keshe ǵana Prezident Qaton-Qaraǵai, Marqakól, Maqanshy aýdandarynyń aldaǵy eki jyldyń ishinde ashylatynyn jariia etti. Batys óńirge barǵanda, vahtalyq aýysymnyń ýaqytyn retteý týraly áńgime boldy.
Biz bul máseleni sol jaqtaǵy alpaýyt kompaniialarmen birlesip, muqiiat qarastyryp jatyrmyz. Sondai-aq, partiianyń Sailaýaldy baǵdarlamasynda biz aýylǵa baratyn jas meditsina qyzmetkerleri úshin 10 million teńge kóterme aqy tóleý mindetin qoiǵan edik. Ol da oryndalý ústinde. Budan bólek, halyqty tolǵandyryp otyrǵan barlyq máselelerdi partiialyq jobalarymyzdyń aiasynda sheshýge kúsh salyp otyrmyz» - dedi Erlan Qoshanov.
