Partıalyq tizim boıynsha Aqtóbe oblystyq máslıhaty depýtattyǵyna úmitkerler Bıjan Qalmaǵanbetov, Juldyz Qojabekova jáne úmitker Talǵat Salfıkovtiń senimdi ókili Aslan Qaıyrǵalıev «AMANAT» partıasynyń saılaýaldy baǵdarlamasynyń negizgi baǵyttaryn túsindirdi.
Bul jer taýarlar saqtalatyn úlken qoıma, dál osy jerden sýpermarketter jelisi men «Anvar» gıpermarketine taýarlar taratylady. Onda 120-dan astam adam jumys isteıdi. Olardyń qatarynda júk tıeýshiler, qabyldaýshylar, qoıma meńgerýshileri, revızorlar, býyp-túıýshiler jáne t.b. bar.
Olar úmitkerlerden jeńildetilgen ıpoteka boıynsha turǵyn úı satyp alý, balalarǵa IT-bilim berý, sapaly medısınalyq qyzmetter alýǵa qatysty suraqtaryn qoıdy.
Úmitker Bıjan Qalmaǵanbetov oblys turǵyndaryn tolǵandyryp júrgen ózekti máseleler, olardy sheshý joldary saılaýaldy baǵdarlamada kórsetilgenin aıtty. Olar qyzmettiń barlyq salasyn qamtıdy, partıa jobalardyń oryndalýyn qadaǵalaıdy.
– Baǵdarlamada mańyzdy áleýmettik-ekonomıkalyq baǵyttar: bilim berý júıesi men densaýlyq saqtaý salasyn damytý, sý jáne gazben qamtamasyz etý, turǵyn úı máselesin sheshý, joldar men qoǵamdyq kólikterdiń sapasyn arttyrý kózdelgen. Munyń bári ýaqytymen sheshiledi. Onyń ishinde búdjet qarajaty esebinen 30,6 myń páter salý josparlanýda.
Halyqtyń áleýmettik osal toptaryna keminde 500 páter beriledi. Barlyq eldi mekenderdi ınternetpen qamtý arqyly IT-tehnologıalar boıynsha úıirmeler aýyl balalaryna qoljetimdi bolady. Baǵdarlamaǵa sáıkes komýnıkasıalar salynady, aýmaqtar abattandyrylady. Barlyq mindetterdi sheshýge bes jyl berilgen. Al partıa olardyń oryndalýyna qol jetkizedi, – dedi Juldyz Qojabekova.
Sondaı-aq Aslan Qaıyrǵalıev jınalǵandardyń nazaryn qoǵamnyń áleýmettik máselelerin sheshý joldaryna aýdardy. Úmitkerler barlyq jumysshyny partıa bastamalaryn qoldap, «AMANAT»-qa daýys berýge shaqyrdy.
Qoıma meńgerýshisi Sáýle Kúlshibaeva ortalyqtyń barlyq qyzmetkeri partıany qoldaıtynyn jáne aldaǵy saılaýda azamattyq boryshyn óteıtinin aıtty.
Aqtóbe oblystyq máslıhaty depýtattarynyń saılaýynda
partıalyq tizimdi usynǵan «AMANAT» partıasy saılaý
qorynyń qarajatynan tólendi.
