دەپۋتاتتىققا ۇمىتكەرلەر «انۆار» تاراتۋ ورتالىعىنىڭ قىزمەتكەرلەرىمەن باسپانامەن، ەڭبەكپەن  قامتۋ، گرانت بويىنشا وقىتۋ ماسەلەلەرىن تالقىلادى.

پارتيالىق ءتىزىم بويىنشا اقتوبە وبلىستىق ءماسليحاتى دەپۋتاتتىعىنا ۇمىتكەرلەر بيجان قالماعانبەتوۆ، جۇلدىز قوجابەكوۆا جانە ۇمىتكەر تالعات سالفيكوۆتىڭ سەنىمدى وكىلى اسلان قايىرعالييەۆ «AMANAT» پارتياسىنىڭ سايلاۋالدى باعدارلاماسىنىڭ نەگىزگى باعىتتارىن ءتۇسىندىردى.

بۇل جەر تاۋارلار ساقتالاتىن ۇلكەن قويما، ءدال وسى جەردەن سۋپەرماركەتتەر جەلىسى مەن «انۆار» گيپەرماركەتىنە تاۋارلار تاراتىلادى. وندا 120-دان استام ادام جۇمىس ىستەيدى. ولاردىڭ قاتارىندا جۇك تيەۋشىلەر، قابىلداۋشىلار، قويما مەڭگەرۋشىلەرى، ريەۆيزورلار، بۋىپ-تۇيۋشىلەر جانە ت.ب. بار.

ولار ۇمىتكەرلەردەن جەڭىلدەتىلگەن يپوتەكا بويىنشا تۇرعىن ءۇي ساتىپ الۋ، بالالارعا ITء-بىلىم بەرۋ، ساپالى مەديسينالىق قىزمەتتەر الۋعا قاتىستى سۇراقتارىن قويدى.

ۇمىتكەر بيجان قالماعانبەتوۆ وبلىس تۇرعىندارىن تولعاندىرىپ جۇرگەن وزەكتى ماسەلەلەر، ولاردى شەشۋ جولدارى سايلاۋالدى باعدارلامادا كورسەتىلگەنىن ايتتى. ولار قىزمەتتىڭ بارلىق سالاسىن قامتيدى، پارتيا جوبالاردىڭ ورىندالۋىن قاداعالايدى.

– باعدارلامادا ماڭىزدى الەۋمەتتىك-ەكونوميكالىق باعىتتار: ءبىلىم بەرۋ جۇيەسى مەن دەنساۋلىق ساقتاۋ سالاسىن دامىتۋ، سۋ جانە گازبەن قامتاماسىز ەتۋ، تۇرعىن ءۇي ماسەلەسىن شەشۋ، جولدار مەن قوعامدىق كولىكتەردىڭ ساپاسىن ارتتىرۋ كوزدەلگەن. مۇنىڭ ءبارى ۋاقىتىمەن شەشىلەدى. ونىڭ ىشىندە بيۋدجەت قاراجاتى ەسەبىنەن 30،6 مىڭ پاتەر سالۋ جوسپارلانۋدا.



حالىقتىڭ الەۋمەتتىك وسال توپتارىنا كەمىندە 500 پاتەر بەرىلەدى. بارلىق ەلدى مەكەندەردى ينتەرنەتپەن قامتۋ ارقىلى IT-تەحنولوگيالار بويىنشا ۇيىرمەلەر اۋىل بالالارىنا قولجەتىمدى بولادى. باعدارلاماعا سايكەس كوممۋنيكاسيالار سالىنادى، اۋماقتار اباتتاندىرىلادى. بارلىق مىندەتتەردى شەشۋگە بەس جىل بەرىلگەن. ال پارتيا ولاردىڭ ورىندالۋىنا قول جەتكىزەدى، – دەدى جۇلدىز قوجابەكوۆا.

سونداي-اق اسلان قايىرعالييەۆ جينالعانداردىڭ نازارىن قوعامنىڭ الەۋمەتتىك ماسەلەلەرىن شەشۋ جولدارىنا اۋداردى. ۇمىتكەرلەر بارلىق جۇمىسشىنى پارتيا باستامالارىن قولداپ، «اماNات»-قا داۋىس بەرۋگە شاقىردى.



قويما مەڭگەرۋشىسى ساۋلە كۇلشىبايەۆا ورتالىقتىڭ بارلىق قىزمەتكەرى پارتيانى قولدايتىنىن جانە الداعى سايلاۋدا ازاماتتىق بورىشىن وتەيتىنىن ايتتى.

 

اقتوبە وبلىستىق ءماسليحاتى دەپۋتاتتارىنىڭ سايلاۋىندا

پارتيالىق ءتىزىمدى ۇسىنعان «امانات» پارتياسى سايلاۋ

قورىنىڭ قاراجاتىنان تولەندى.