Saltanatty rásim barysynda partiianyń Atqarýshy hatshysy Ashat Oralov bul media syilyqtyń 10 jyldan astam tarihy bar ekenin atap ótti. Biyl jańa formatta uiymdastyrylǵan baiqaý janrlyq sipattan taqyryptyq baǵytqa aýysyp, qosymsha Ahmet Baitursynov atyndaǵy «Sóz zergeri» jáne Sherhan Murtaza men Kamal Smailov atyndaǵy «Televiziia úzdigi» arnaiy syilyqtary engizildi.
– «AMANAT» media syilyǵy – halyqtyń úzdik jýrnalisterge bildirgen alǵysy. Sebebi jýrnalist – halyq únin jetkizetin, memleket múddesi úshin kúresetin tulǵa. Osy saltanatty keshke úzdikterdiń úzdigin anyqtaý úshin jinalyp otyrmyz. Meniń oiymsha, jýrnalist degen mamandyqty tańdaýdyń ózi úzdik bolý. Elimizde Prezident Qasym-Jomart Toqaevtyń jetekshiligimen óte úlken, tarihi ózgerister júrip jatyr. Onyń mán-mazmunyn halyqqa jetkizý isi úlken jaýapkershilikti, asa zor sheberlik pen kásibilikti talap etedi. Bul mindetti sizder óte joǵary deńgeide atqaryp kelesizder. Baiqaý Jańa Qazaqstandy qurý isinde elimizdiń aqparattyq keńistigin kúsheitýge yqpal eteri sózsiz, – dedi Ashat Oralov.
Baiqaý komissiiasynyń tóraǵasy, belgili jýrnalist, aqyn, «AMANAT» partiiasynan sailanǵan Májilis depýtaty Janarbek Áshimjannyń aitýynsha, biyl qazylar alqasyna 260-tan astam ótinim joldanǵan.
– Biyl kelip túsken jumystardyń 70%-dan astamy tek aimaqtyq buqaralyq aqparat quraldarynan, iaǵni óńirlerden joldanǵany qýantty. Jas jýrnalister de belsendilik tanytty. Iaǵni, otandyq jýrnalistikada qalamy tóselgen metrlermen qatar jas mamandardyń tarapynan da úlken qyzyǵýshylyqty baiqadyq. Árine, bul baiqaý olardyń shyǵarmashylyq sheberligin shyńdai túseri anyq. «AMANAT» media syilyǵynyń basty maqsaty da sol, – dep atap ótti Janarbek Áshimjan.
Sonymen, baiqaý komissiianyń sheshimimen «AMANAT» – 2022 MEDIA SYILYǴYNYŃ jeńimpaz bolyp:
«Jańa Qazaqstandy» qurý týraly úzdik material» nominatsiiasy boiynsha – «KTK» telearnasynyń tilshisi Asqarbek Qazanǵap;
«Áleýmettik máselege arnalǵan úzdik material» nominatsiiasy boiynsha – «Prikaspiiskaia kommýna» qoǵamdyq-saiasi gazetiniń aǵa tilshisi Anjela Li;
«Aimaq týraly úzdik material» nominatsiiasy boiynsha – «Habar24» telearnasynyń Aqmola oblysy boiynsha tilshisi Damir Shaidarov;
«Jastar týraly úzdik material» nominatsiiasy boiynsha – «Dalanews.kz» aqparattyq agenttiktiń Abai oblysyndaǵy tilshisi Qýanysh Smaǵulov;
«Rýhani-mádeni damýǵa arnalǵan úzdik material» nominatsiiasy boiynsha – «Habar» telearnasynyń tilshisi Indira Jylqaidarova;
«Memlekettik rámizderiniń 30 jyldyǵy týraly úzdik material» nominatsiiasy boiynsha – Jańaqorǵan aýdandyq «Jańaqorǵan tynysy» gazetiniń tilshisi Álibek Jaryqbaev;
«AMANAT» partiiasynyń transformatsiiasy týraly úzdik material» nominatsiiasy boiynsha – QR Prezidenti Teleradiokesheniniń rejisseri Vadim Shiriaev marapattaldy.
Arnaiy syilyqtardyń iegerleri:
Ahmet Baitursynov atyndaǵy «Sóz zergeri» syilyǵy – «Egemen Qazaqstan» respýblikalyq gazetiniń Túrkistan oblysy boiynsha tilshisi Ǵalymjan Elshibai;
Sherhan Murtaza men Kamal Smaiylov atyndaǵy «Televiziia úzdigi» syilyǵy – «Qazaqstan» ulttyq telearnasynyń aqparattyq-saraptamalyq baǵdarlamalar direktsiiasynyń basshysy Jalǵas Altaev;
«Belsendi azamattyq ustanymy úshin» syilyǵy – bloger, motivatsiialyq kitaptardyń avtory, telejúrgizýshi Dáýlet Muqaevqa berildi.
Óz kezeginde, baiqaý jeńimpazdarynyń biri Indira Jylqaidarova jańǵyrý jolyna túsken «AMANAT» partiiasynyń media syilyǵyna ie bolý úlken mártebe ekenin atap ótti.
«AMANAT» – eldiń senimin, amanatyn arqalaǵan partiia. Búgin meniń Muqaǵali Maqataevtyń 91 jyldyǵy týraly jasaǵan beinematerialym elenip jatyr. Bizder, iaǵni jýrnalistter qaýymy, «AMANAT» partiiasy da eldiń igiligi, qoǵamnyń damýy jolynda qyzmet etip júrmiz. El qamy úshin eńbek ete berińizder», - dedi ol.
Óziniń júrekjardy lebizimen «Jańaqorǵan tynysy» gazetiniń tilshisi Álibek Jaryqbaev ta bólisti. «Osyndai úlken báigeniń júldesi buiyrady dep kútpedim. Aýdandyq gazette jumys istep júrip, respýblikalyq baiqaýdyń jeńimpazy bolý, bizderge shalqar shabyt syilap, shyǵarmashylyǵymyzdy shyńdai túsedi. «AMANAT» partiiasynyń senimin arqaladyq, endi osy joldan taimai, ultqa qyzmet etýdi jalǵastyramyz», - dedi jýrnalist.
Súretti túsirgen Áli Ǵalym
