Ekologiia jáne tabiǵi resýrstar ministri Erlan Nysanbaev “ÓKM Operatory” zaýyttarynyń tóńiregindegi daýly suraqqa jaýap berdi, dep habarlaidy Dalanews.kz.
Aitýynsha, qazirgi tańda zaýyttar memlekettik múlik komitetiniń baqylaýynda. Sondyqtan bul másele jaqynda sheshimin tabýy múmkin.
“Búginde “ÓKM” zaýyttary memlekettik múlik komitetiniń quzyrynda. Jaqyn kúnderi olardyń taǵdyry sheshiledi dep oilaimyn. Bir eskeretin jait, buryn bul monopoliia bolǵan. Al qazir biz naryqty zerttedik, ózgerister engizdik. Qazirgi ýaqytta ruqsaty bar kásiporyndar ary qarai jumys júrgizýge quqyly. Elde 196 kásiporyn bar. Bálkim bári birdei jumys istemeýi múmkin, biraq kez kelgen jaǵdaida ár aimaqta biznes damyp, kólikti kádege jaratýmen ainalysady”, - dedi ministr.
Eske sala keteiik, Astananyń qylmystyq ister jónindegi aýdanaralyq soty 2023 jyldyń shildesinde “ÓKM Operatorynyń” isi boiynsha úkim shyǵarǵan edi. Aiyptylar qatarynda Ekologiia, geologiia jáne tabiǵi resýrstar ministrliginiń burynǵy vitse-ministri Ahmetjan Pirimqulov, “ÓKM Operatory” JShS-nyń burynǵy basqarma tóraǵasy Medet Qumarǵaliev, burynǵy qarjy direktory Rýstam Temirbek jáne “ÓKM Operatorynyń” eks-bas direktory, Ýkraina azamaty Svetlana Korotenko boldy. Olar “ÓKM Operatory” JShS-da milliardtaǵan qarjy jymqyrdy degen aiyppen, bir jyldan jeti jylǵa deiingi merzimge bas bostandyǵynan aiyrý jazasyn aldy. Antikor málimetinshe, zańsyzdyq 2016-2019 jyldary “ÓKM Operatory” JShS-niń qyzmetkerleri jasaǵan.
Alaida sot barysynda “ÓKM Operatory” JShS burynǵy quryltaishysy bolǵan Áliia Nazarbaevanyń aty belgisiz sebeptermen atalmady jáne sotqa tartylǵan joq.
Osy tusta BAQ ókilderi sybailas jemqorlyqpen kúres agenttiginiń resmi ókili Arman Tileýkenovten Áliia Nazarbaevanyń “ÓKM Operatorymen” bailanysy týraly suraǵan bolatyn.
“Áliia Nazarbaeva 2016 jyly “ÓKM Operatorynyń” alǵashqy quryltaishysy boldy. Qala berdi osy is boiynsha tergelgender ÓKM jabylǵansha ony basqa bir tulǵa arqyly Áliia Nazarbaeva basqarǵanyn aitqan. Endeshe nege eks-prezidenttiń qyzy osy kúnge deiin tergelgen joq?”, - dep suraq qoiady.
Al Antikor ókili bul is sotpen sheshilgenin jetkizgen edi.
“Sot bul iske núkte qoidy. Sybailas jemqorlyqqa qarsy qyzmettiń tergeý barysynda usynǵan barlyq dáleli tolyq rastaldy. Bul adamǵa keletin bolsaq, men onyń turǵylyqty jerin bilmeimin. Sot protsesinde aitylǵan sózderge keletin bolsaq, tergeý júrgizý kezinde tegi men osy zańdy tulǵaǵa qatysy atalmaǵan”, - dep jaýap berdi Arman Tileýkenov.
