"Samuryq-Qazyna" qoryna qarasty "Qazaqstan temir joly" ulttyq kompaniiasynyń satylǵan ár biletinen jekemenshik "Instant Payments" firmasyna aqsha túsip otyrǵan. Jalpy alǵanda toǵyz jylda 5,7 milliard teńge aýdarylǵan, dep habarlaidy Dalanews.kz DALA INSIDE telegram arnasyna siltep.
Arnanyń habarlaýynsha, kompaniianyń qazirgi qojaiyny kezinde "Operator ROP" shtatynda qyzmet etken Dias Mádiqojin. Onyń atynda kriptovaliýtamen ainalysatyn "Global crypto mining limited" firmasy tirkelgen. Odan bólek aýyl sharýashylyǵyndaǵy lizing boiynsha qyzmet kórsetetin "Leasing group" kompaniiasynda úlesi bar. Ol týraly birinshi bolyp "Eýraziia" telearnasy habarlaǵan.
Osylaisha, Áliia Nazarbaevanyń moinyna qyl arqan tústi. Jáne ol jailap tartylyp keledi.
"Áliiaǵa qatysty qylmystyq istiń qozǵalýyna jeterlik 18 tomdyq dáiek jinaldy. Ásirese ROP-tyń quryltaishysy bolǵan, Áliia Nazarbaevanyń úi kútýshisi dep sanalatyn Shynar Muhtarovanyń Dýbaidan ekstraditsiialanýy kóp kómektesti. Ol tergeýde qajet barlyq aqparatty berdi. Tergeýmen kelisip, shartty jazaǵa kesilip, bostandyqqa shyqty", - deidi, DALA INSIDE derekkózi.
Qazir Dariǵa, Dinara men Áliia Nazarbaevalardyń qylmystyq is orbitasyna ilinip, Interpol arqyly qýdalaýǵa ushyramaýyna Kreml ara-aǵaiyndyq etip, "Jańa Qazaqstan" femidasyn áreń ustap tur. Biraq ol statýs-kvo qansha ýaqytqa deiin sozylatyny belgisiz.
https://dalanews.kz/news/98228-deputat-zher-silkinisi-turaly-turgynd
