Eks prezidenttiń kishi qyzy Áliia Nazarbaevamen birge quny 179 million dollar kásipti basyp aldy degen kúdikke ilingen Valentina Rogovanyń kúieýi málimdeme jasady, - dep habarlaidy Dalanews.kz.
Aita keteiik, jaqynda Áliia Nazarbaeva men Konstitýtsiialyq Keńestiń burynǵy basshysy Valentina Rogovaǵa "reiderlik shabýyl jasady" degen aiyp taǵylǵan bolatyn. Rogovanyń kúieýi Igor Rogov Exclusive.kz basylymyna pikir bildirip, bul iske qatysty málimdeme jasaǵan. Onyń sózinshe, áieli Valentina 2003 jyly Áliia Nazarbaevaǵa tiesili uiymda keńes berý qyzmetterin kórsetip, zańger bolyp jumys istegen. Ol kezderi áieli elde tanymal advokattardyń biri bolǵan kórinedi.
"Ol birneshe protsesti sátti aiaqtaǵan. Óz jumysyn kásibi turǵyda adal atqaratyn", - deidi Igor Rogov.
Onyń sózinshe, áieli kásipker Nurlan Bimýrzinnyń Áliia Nazarbaeva men Valentina Rogovaǵa qatysty aitqandaryn joqqa shyǵaryp otyr.
"Ondai kelisimderdiń bári notariýs arqyly ótedi. Sáikesinshe qujattardyń zańdylyǵy zań keńesshisimen emes, notariýs arqyly sheshilýi kerek. Onyń (Valentina Rogovanyń) mundai qujattarǵa qol qoiýyna quzyry bolmady. Sondyqtan "Valentina Rogova Áliia Nazarbaevamen reiderlik shabýyl jasady" degen BAQ betteri men áleýmettik jelide tarap jatqan aqparat jalǵan dep sanaimyn", - deidi Igor Rogov.
Aita keteiik, buǵan deiin Áliia Nazarbaeva men Konstitýtsiialyq Keńestiń burynǵy basshysy Valentina Rogovaǵa "reiderlik shabýyl jasady" degen aiyp taǵylǵan bolatyn.
"2003 jyly (Nazarbaeva – QazTAG) óz ústemdigin paidalana otyryp, quny 170 million dollardy quraityn (2003 jylǵy esep boiynsha) jeti munai bazasy men 96 janarmai quiý beketinen turatyn kásiporyndy qoldy etken. Al burynǵy ielerin "túrmege qamap, dene jaraqatyn salamyn" dep qorqytqan. Tipti tapa tal túste kásip ieleriniń biriniń ákesin ashyq túrde urlap áketken. Bul óziniń yqpalyn kórsetý úshin jasalǵan áreket.
Kýágerlerdiń aitýynsha, adam urlaýǵa quqyq qorǵaý organdarynyń qatysy bolýy múmkin. Qylmysqa sybailas qatysýshy Valentina Rogova bolǵan.
Ol - Qazaqstan Respýblikasy Konstitýtsiialyq Keńesiniń Tóraǵasy, Prezidenttiń kómekshisi, Prezidenttiń keńesshisi jáne basqa da kóptegen memlekettik qyzmetterdi atqarǵan Igor Ivanovich Rogovtyń áieli", - delingen Ulttyq baspasóz klýbynyń habarlamasynda.
