AHAT organdary usynǵan azamattyq hal aktileri jazbalaryndaǵy málimetterdi óńdeý nátıjesinde, 2016j. qańtar-naýryzda týylǵandar sany 99,4 (2015 jylǵy qańtar-naýryzda – 92,1) myń adamdy qurady, bul 2015j. qańtar-aqpanǵa qaraǵanda 7,9% kóp. Týý kezektiligi boıynsha birinshi, ekinshi jáne úshinshi týǵandardyń úles salmaǵy sáıkesinshe 31% (32%), 29% (29%) jáne 19% (18%) qurady. Týýdyń jalpy koefısıenti 1000 adamǵa 22,47 (21,31) týylǵandardy qurady.
Qarastyrylyp otyrǵan kezeńde qaıtys bolǵandar sany 34,4 (33,2) myń adamdy qurady, bul 2015j. qańtar-naýryzǵa qaraǵanda 3,6% kóp. Ólim-jitimniń jalpy koefısıenti 1000 adamǵa 7,78 (7,70) qaıtys bolǵandardy qurady.
2016 jylǵy qańtar-naýryzda respýblıka halqynyń tabıǵı ósimi 2015j. qańtar-naýryzben salystyrǵanda 6,1 myń adamǵa nemese 10,4% kóbeıip, 65,0 (58,9) myń adamdy qurady. Tabıǵı ósimniń jalpy koefısıenti 1000 adamǵa shaqqanda 14,69 (13,61) adamdy qurady.
2016 jylǵy qańtar-naýryzda respýblıkada 1 jasqa deıingi 1033 (847) náreste ólimi tirkeldi. 2015 jylǵy qańtar-naýryzben salystyrǵanda 1 jasqa deıingi shetinegen náreste sany 22% kóbeıdi. 2016 jylǵy qańtar-naýryzda náreste ólim-jitiminiń koeffısıeti 1000 týǵandarǵa shaqqanda 10,39 (9,23) qurady. Náreste ólim-jitiminiń negizgi sebebi — perınataldyq kezeńde paıda bolatyn jaǵdaılar, budan 2016 jylǵy qańtar-naýryzda 551 (444) náreste qaıtys bolyp, náresteler arasyndaǵy jalpy ólim sanynyń 53,3% (52,4%) qurady. Týa bitken aýytqýlardan 217 (169) nemese 21% (20%), tynys organdary aýrýlarynan – 91 (56) nemese 8,8% (6,6%) jáne jazataıym jaǵdaıdan, ýlanýdan jáne jaraqattan — 39 (42) nemese 3,8% (5%) náreste qaıtys boldy.
Kóshi-qon polısıasy organdary usynǵan kelý/ketýdi statısıkalyq esepke alý talondaryndaǵy málimetterdi óńdeý nátıjesinde, 2016 jylǵy qańtar-naýryzda elimizge turǵylyqty turýǵa kelgenderdiń tirkelý sany (kóship-qonýshylar) 2015 jylǵy qańtar-naýryzben salystyrǵanda 26,7% kemip, 3053 adamdy qurady. Elimizden ketken kóship-qonýshylardyń tirkelý sany 20,3% kóbeıip, 5434 adamdy qurady, kóshi-qonnyń aıyrymy -2381 adam boldy. Elimizdegi negizgi kóshi-qon almasýy TMD memleketterimen bolýda. TMD elderinen kelgenderdiń jáne sol elderge ketkenderdiń úlesi, tıisinshe, 75,2% jáne 87,7% qurady. Qarastyrylyp otyrǵan kezeńde 2015j. qańtar-naýryzben salystyrǵanda el ishinde kóship-qonýshylar sany 16,6% azaıyp, 97660 adamdy qurady. Óńiraralyq kóship-qonýshylardyń úlesine elimizdiń jalpy ishki kóship-qonýshylar sanynyń 42,5% tıesili. Óńiraralyq kóshi-qonnyń oń aıyrymy Almaty (8586 adam) qalasynda jáne Aqmola (320 adam), Qostanaı (318 adam), Mańǵystaý (291 adam), Pavlodar (280 adam), Atyraý (83 adam) oblystarynda qalyptasty.
