احات ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2016ج. قاڭتار-ناۋرىزدا تۋىلعاندار سانى 99،4 (2015 جىلعى قاڭتار-ناۋرىزدا – 92،1) مىڭ ادامدى قۇرادى، بۇل 2015ج. قاڭتار-اقپانعا قاراعاندا 7،9% كوپ. تۋۋ كەزەكتىلىگى بويىنشا ءبىرىنشى، ەكىنشى جانە ءۇشىنشى تۋعانداردىڭ ۇلەس سالماعى سايكەسىنشە 31% (32%)، 29% (29%) جانە 19% (18%) قۇرادى. تۋۋدىڭ جالپى كوەففيسيەنتى 1000 ادامعا 22،47 (21،31) تۋىلعانداردى قۇرادى.
قاراستىرىلىپ وتىرعان كەزەڭدە قايتىس بولعاندار سانى 34،4 (33،2) مىڭ ادامدى قۇرادى، بۇل 2015ج. قاڭتار-ناۋرىزعا قاراعاندا 3،6% كوپ. ءولىم-جىتىمنىڭ جالپى كوەففيسيەنتى 1000 ادامعا 7،78 (7،70) قايتىس بولعانداردى قۇرادى.
2016 جىلعى قاڭتار-ناۋرىزدا رەسپۋبليكا حالقىنىڭ تابيعي ءوسىمى 2015ج. قاڭتار-ناۋرىزبەن سالىستىرعاندا 6،1 مىڭ ادامعا نەمەسە 10،4% كوبەيىپ، 65،0 (58،9) مىڭ ادامدى قۇرادى. تابيعي ءوسىمنىڭ جالپى كوەففيسيەنتى 1000 ادامعا شاققاندا 14،69 (13،61) ادامدى قۇرادى.
2016 جىلعى قاڭتار-ناۋرىزدا رەسپۋبليكادا 1 جاسقا دەيىنگى 1033 (847) نارەستە ءولىمى تىركەلدى. 2015 جىلعى قاڭتار-ناۋرىزبەن سالىستىرعاندا 1 جاسقا دەيىنگى شەتىنەگەن نارەستە سانى 22% كوبەيدى. 2016 جىلعى قاڭتار-ناۋرىزدا نارەستە ءولىم-جىتىمىنىڭ كوەففيسيەتى 1000 تۋعاندارعا شاققاندا 10،39 (9،23) قۇرادى. نارەستە ءولىم-جىتىمىنىڭ نەگىزگى سەبەبى — پەريناتالدىق كەزەڭدە پايدا بولاتىن جاعدايلار، بۇدان 2016 جىلعى قاڭتار-ناۋرىزدا 551 (444) نارەستە قايتىس بولىپ، نارەستەلەر اراسىنداعى جالپى ءولىم سانىنىڭ 53،3% (52،4%) قۇرادى. تۋا بىتكەن اۋىتقۋلاردان 217 (169) نەمەسە 21% (20%)، تىنىس ورگاندارى اۋرۋلارىنان – 91 (56) نەمەسە 8،8% (6،6%) جانە جازاتايىم جاعدايدان، ۋلانۋدان جانە جاراقاتتان — 39 (42) نەمەسە 3،8% (5%) نارەستە قايتىس بولدى.
كوشى-قون پوليسياسى ورگاندارى ۇسىنعان كەلۋ/كەتۋدى ستاتيستيكالىق ەسەپكە الۋ تالوندارىنداعى مالىمەتتەردى وڭدەۋ ناتيجەسىندە، 2016 جىلعى قاڭتار-ناۋرىزدا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى (كوشىپ-قونۋشىلار) 2015 جىلعى قاڭتار-ناۋرىزبەن سالىستىرعاندا 26،7% كەمىپ، 3053 ادامدى قۇرادى. ەلىمىزدەن كەتكەن كوشىپ-قونۋشىلاردىڭ تىركەلۋ سانى 20،3% كوبەيىپ، 5434 ادامدى قۇرادى، كوشى-قوننىڭ ايىرىمى -2381 ادام بولدى. ەلىمىزدەگى نەگىزگى كوشى-قون الماسۋى تمد مەملەكەتتەرىمەن بولۋدا. تمد ەلدەرىنەن كەلگەندەردىڭ جانە سول ەلدەرگە كەتكەندەردىڭ ۇلەسى، تيىسىنشە، 75،2% جانە 87،7% قۇرادى. قاراستىرىلىپ وتىرعان كەزەڭدە 2015ج. قاڭتار-ناۋرىزبەن سالىستىرعاندا ەل ىشىندە كوشىپ-قونۋشىلار سانى 16،6% ازايىپ، 97660 ادامدى قۇرادى. ءوڭىرارالىق كوشىپ-قونۋشىلاردىڭ ۇلەسىنە ەلىمىزدىڭ جالپى ىشكى كوشىپ-قونۋشىلار سانىنىڭ 42،5% تيەسىلى. ءوڭىرارالىق كوشى-قوننىڭ وڭ ايىرىمى الماتى (8586 ادام) قالاسىندا جانە اقمولا (320 ادام)، قوستاناي (318 ادام)، ماڭعىستاۋ (291 ادام)، پاۆلودار (280 ادام)، اتىراۋ (83 ادام) وبلىستارىندا قالىپتاستى.
