Almaty oblysy Talǵar aýdandyq politsiiasynyń bastyǵy saiasi tapsyryspen qaza tapqan oppozitsiia jetekshisi Altynbek Sársenbaiulynyń aǵasy, saiasi jáne qoǵam qairatkeri Rysbek Sársenbaidy “saiasi tutqyndar” taqyrybyndaǵy baspasóz máslihaty aldynda “sóilesý úshin” ózine shaqyrdy, dep habarlaidy Dalanews.kz.
"Búgin, 9 naýryzda saǵat 11.00-de saiasi jáne qoǵam qairatkeri Rysbek Sársenbaiuly Almatydaǵy Táýelsizdik monýmentinde baspasóz máslihatyn ótkizbek boldy. Alaida tańerteń politseiler ony toqtatyp, Talǵar aýdany politsiia basshysymen (Rysbek aǵa Tuzdybastaý aýylynda turady) “áńgimelesý úshin” birge barýyn talap etedi. Sársenbaiuly odan bas tartyp, baspasóz máslihatyn ótkizý úshin jýrnalisterdi úiine shaqyratynyn jetkizedi. Kezdesý “Táýelsiz memlekette saiasi tutqyndar bolmaýy qajet” taqyrybynda ótkizilmek boldy. Shamasy, bul kópshilikke unai qoimasa kerek”, - delingen Elmedia telegram arnasy taratqan habarlamada.
Jýrnalist Daniiar Moldabekov óziniń Telegram-arnasynda habarlaǵandai, Sársenbai politsiiaǵa jetkizilgen.
“Qoǵam qairatkeri Rysbek Sársenbaiuly men quqyq qorǵaýshy Marjan Aspandiiarovany politsiia ustady. Advokat Ainara Aidarhanova olardyń Talǵar aýdandyq ishki ister bólimine jetkizilgenin habarlady", - dep jazdy Moldabekov.
Sonymen birge, “Azattyq” radiosynyń málimetinshe, Talǵar aýdanyndaǵy politsiianyń kezekshi qyzmetkeri ustalǵandar týraly aqparat almaǵanyn aityp, keiinirek habarlasýyn suraǵan.
Osy tusta Qazaqstan parlamenti májilisiniń depýtaty Ermurat Bapi de Rysbek Sársenbaiulynyń ustalýyna bailanysty pikir bildirdi.
“Rysbek aǵanyń ózi de maǵan habarlasty. "Qan qysymym 200-diń ústine shyqty" deidi. Baspasóz konferentsiiasy" degen ataýmen ótetin jiynǵa ary ketkende 20-30 adam jinalar edi, budan qirap, janyp, órtenip keter eshteńe bolmas edi. Eldi eliktirý qajet pe edi? Al endi mynaý jaǵymsyz jaǵdaiattan keiin jeli bitken jarylyp, bolmaǵan jiynnyń effektisi eselenip ketpei me?! Osyndai áperbaqan áreket túptep kelgende "Jańa Qazaqstan" ideiasyna soqqy bolmai ma?! Aqyr sońy, tostaǵanda tolqyn týdyrý kimge qajet?!”, - deidi saiasatker.
Ol kúshtik qurylym ókilderine habarlasqanda, Sársenbaiulyn qamaýǵa almaitynyn málimdegen.
“Men habarlasqan kúshtik qurylym ókilderi (qaz-qalpynda): "Eldegi mereke kúnderine bailanysty politsiia "ýsilennyi rejim" jaǵdaiynda qyzmet etetini el-jurtqa aldyn ala eskertilgen. Talap barshaǵa ortaq, alańǵa demalýǵa baratyn halyqtyń jaǵdaiyn da eskerýimiz kerek. Bul jiyndy mereke kúnderinen keiin de ótkizýge bolar edi ǵoi. Eshkim Sársenbaiulyn qamaýǵa almaidy, "beseda" júrgiziledi - boldy", dep qysqa qaiyrǵan.
