الماتى وبلىسى تالعار اۋداندىق پوليسياسىنىڭ باستىعى ساياسي تاپسىرىسپەن قازا تاپقان وپپوزيسيا جەتەكشىسى التىنبەك سارسەنباي ۇلىنىڭ اعاسى، ساياسي جانە قوعام قايراتكەرى رىسبەك سارسەنبايدى “ساياسي تۇتقىندار” تاقىرىبىنداعى باسپا ءسوز ءماسليحاتى الدىندا “سويلەسۋ ءۇشىن” وزىنە شاقىردى، دەپ حابارلايدى Dalanews.kz.

"بۇگىن، 9 ناۋرىزدا ساعات 11.00-دە ساياسي جانە قوعام قايراتكەرى رىسبەك سارسەنباي ۇلى الماتىداعى تاۋەلسىزدىك مونۋمەنتىندە باسپا ءسوز ءماسليحاتىن وتكىزبەك بولدى. الايدا تاڭەرتەڭ پوليسەيلەر ونى توقتاتىپ، تالعار اۋدانى پوليسيا باسشىسىمەن (رىسبەك اعا تۇزدىباستاۋ اۋىلىندا تۇرادى) “اڭگىمەلەسۋ ءۇشىن” بىرگە بارۋىن تالاپ ەتەدى. سارسەنباي ۇلى ودان باس تارتىپ، باسپا ءسوز ءماسليحاتىن وتكىزۋ ءۇشىن جۋرناليستەردى ۇيىنە شاقىراتىنىن جەتكىزەدى. كەزدەسۋ “تاۋەلسىز مەملەكەتتە ساياسي تۇتقىندار بولماۋى قاجەت” تاقىرىبىندا وتكىزىلمەك بولدى. شاماسى، بۇل كوپشىلىككە ۇناي قويماسا كەرەك”، - دەلىنگەن  Elmedia تەلەگرام ارناسى تاراتقان حابارلامادا.

جۋرناليست دانيار مولدابەكوۆ ءوزىنىڭ Telegram-ارناسىندا حابارلاعانداي، سارسەنباي پوليسياعا جەتكىزىلگەن.

“قوعام قايراتكەرى رىسبەك سارسەنباي ۇلى مەن قۇقىق قورعاۋشى مارجان اسپاندياروۆانى پوليسيا ۇستادى. ادۆوكات اينارا ايدارحانوۆا ولاردىڭ تالعار اۋداندىق ىشكى ىستەر بولىمىنە جەتكىزىلگەنىن حابارلادى"، - دەپ جازدى مولدابەكوۆ.

سونىمەن بىرگە، “ازاتتىق” راديوسىنىڭ مالىمەتىنشە، تالعار اۋدانىنداعى پوليسيانىڭ كەزەكشى قىزمەتكەرى ۇستالعاندار تۋرالى اقپارات الماعانىن ايتىپ، كەيىنىرەك حابارلاسۋىن سۇراعان.

وسى تۇستا قازاقستان پارلامەنتى ءماجىلىسىنىڭ دەپۋتاتى ەرمۇرات باپي دە رىسبەك سارسەنباي ۇلىنىڭ ۇستالۋىنا بايلانىستى پىكىر ءبىلدىردى.

“رىسبەك اعانىڭ ءوزى دە ماعان حابارلاستى. "قان قىسىمىم 200ء-دىڭ ۇستىنە شىقتى" دەيدى.  باسپا ءسوز كونفەرەنسياسى" دەگەن اتاۋمەن وتەتىن جيىنعا ارى كەتكەندە 20-30 ادام جينالار ەدى، بۇدان قيراپ، جانىپ، ورتەنىپ كەتەر ەشتەڭە بولماس ەدى. ەلدى ەلىكتىرۋ قاجەت پە ەدى؟ ال ەندى مىناۋ جاعىمسىز جاعداياتتان كەيىن جەلى بىتكەن جارىلىپ، بولماعان جيىننىڭ ەففەكتىسى ەسەلەنىپ كەتپەي مە؟! وسىنداي اپەرباقان ارەكەت تۇپتەپ كەلگەندە "جاڭا قازاقستان" يدەياسىنا سوققى بولماي ما؟! اقىر سوڭى، توستاعاندا تولقىن تۋدىرۋ كىمگە قاجەت؟!”، - دەيدى ساياساتكەر.

ول كۇشتىك قۇرىلىم وكىلدەرىنە حابارلاسقاندا، سارسەنبايۇلىن قاماۋعا المايتىنىن مالىمدەگەن.

“مەن حابارلاسقان كۇشتىك قۇرىلىم وكىلدەرى (قاز-قالپىندا): "ەلدەگى مەرەكە كۇندەرىنە بايلانىستى پوليسيا "ۋسيلەننىي رەجيم" جاعدايىندا قىزمەت ەتەتىنى ەل-جۇرتقا الدىن الا ەسكەرتىلگەن. تالاپ بارشاعا ورتاق، الاڭعا دەمالۋعا باراتىن حالىقتىڭ جاعدايىن دا ەسكەرۋىمىز كەرەك. بۇل جيىندى مەرەكە كۇندەرىنەن كەيىن دە وتكىزۋگە بولار ەدى عوي. ەشكىم سارسەنبايۇلىن قاماۋعا المايدى، "بەسەدا" جۇرگىزىلەدى - بولدى"، دەپ قىسقا قايىرعان.