– «Altyn belgini» buryn test tapsyrǵannan keıin Bilim jáne ǵylym mınıstrligi óz buıryǵymen bekitetin. Endi, Ulttyq biryńǵaı testileýdiń jańa formatyna sáıkes, «Altyn belgini» mektep ujymynyń ózi belgileıdi. Bylaısha aıtqanda, «Altyn belgini» mektepterdiń uıatyna qaldyrdyq, – dedi blogerlermen kezdesýde Ulttyq test ortalyǵynyń dırektory Ramazan Álimqulov.
Bul ózgerister Ulttyq biryńǵaı testileýdiń jańa formatyna sáıkes qabyldanyp otyrǵany belgili. Alaıda bul másele kóńilge ári-sári oı qaldyryp otyrǵanyn da jasyrýǵa bolmaıdy. Erteń balasy «Altyn belgi» alý úshin ata-ana mektep dırektoryna para usynyp júrmeı me? Bul bastama aýyl arasynda paraqorlyqtyń óristep ketýine jol ashpaı ma? Bul máselege mınıstrliktegi ókilder ne deıdi? Kókeıdegi kúmándi saýalǵa kezdesýde Bilim jáne ǵylym mınıstrligi mektepke deıingi jáne orta bilim departamentiniń dırektory Jańyl Jontaeva aıqyn jaýap bergendeı boldy.
– Jylda bizde 5 myńǵa jýyq oqýshy «Altyn belgige» úmitker retinde tirkeletini jasyryn másele emes. Ótken jyly sol 5 myń oqýshynyń 52 paıyzy «Altyn belgisin» dáleldedi. Endi budan bylaı «Altyn belgini» bekitý quqyǵyn mektep ujymyna berdik. Buryn «Altyn belgini» Ulttyq biryńǵaı test tapsyrǵannan keıin Bilim jáne ǵylym mınıstrligi mınıstrligi arnaıy buıryqpen bekitetin. Eger testten súrinbeı ótip, bilimin dáleldeı alsa? Al endigi ýaqytta mektep dırektory pedagogıkalyq keńestiń sheshimimen keńesip, buıryǵyn shyǵarady. Ras, bıyl «Altyn belgi» ıegerleri kúrt kóbeıedi degen qaýeset bar. Biraq, myna bir jaıtty qaperde ustańyzdar. Óıtkeni, osyǵan deıin «Altyn belgini» alǵan bala Ulttyq biryńǵaı testileýden bosatylatyn. Endi «Altyn belgi» mekteptińreıtıngisine de áseretealmaıdy. Biraq, «Altyn belgi» ıegeri men basqaoqýshynyńtestidegi baly birdeıbolsa, grant «Altyn belgige» beriledi. Ras, shetelderdińkóbinde «Altyn belgi» degenjoq. Shynynaıtsaq, bulkeńesókimetinenqalǵanbelgi. Búgingikúnibalalarǵa motıvasıa berýdińbirdenbirjoly – «Altyn belgi, – dedi óz sózinde Bilim jáne ǵylym mınıstrligi mektepke deıingi jáne orta bilim departamentiniń dırektory Jańyl Jontaeva.
…Mektepte on bir jyl bilim alǵan bala kileń bestikpen oqydy delik.Árıne, ol «Altyn belgi» alýǵa quqyly. Biraq beske jetpeı qalǵandar da kezdesip qalady ǵoı. Olar qaıtpek? Jemqorlyq degen jegi qurt taǵy mekteptiń dálizin aralap ketpeı me? Bizdiń alańdaıtynymyz osy.
Erkin QALDAN.
Derekkózi: «Aıqyn» gazeti
