Altai Kólginov praimeriz irikteýiniń qorytyndysyn shyǵardy
Altai Kólginov qarýlastaryna partiialyq baiqaýǵa qatysqany úshin alǵysyn bildirdi. Ol jalpy alǵanda Praimeriz demokratiia men pliýralizm rýhynda ótkenin atap ótti. Elektrondyq daýys berýdiń engizilgen tetigi bolyp tabylatyn «Praimerizdiń» arnaiy elektrondy júiesi ózindik saiasi innovatsiiaǵa ainaldy jáne qol jetimdilik, zańdylyq, ashyqtyq jáne qaýipsizdik printsipterimen sipattalady.
Qala ákimi saiystyń barlyq kóshbasshylaryna, iaǵni «Nur Otan» partiiasynan elorda májilisi men máslihaty depýtattyǵyna úmitkerlerge alǵys hattar tabystady.
Aita ketetin jait, elorda ákimi «Nur Otan» partiiasy Nur-Sultan qalasy filialynyń tóraǵasy retinde Saryarqa aýdanynyń №18 sailaý ýchaskesinde daýys berdi. Protsedýra sońynda ol Praimeriz úmitkerler úshin ózin kórsetýge jaqsy múmkindik ekenin atap ótti.
«Biz partiia ishinde, básekelestik ortada partiia liderlerin tańdai alamyz, sodan keiin tizimdi qura alamyz. Meniń oiymsha, bul biz úshin paidaly tájiribe», - dep atap ótti Altai Kólginov.
Óz kezeginde, buǵan deiin partiianyń hatshysy Arman Qyryqbaev daýys berý kezeńinde «Praimeriz» aqparattyq júiesi qoldanýshylarynyń belsendiligi artqanyn atap ótti. Munyń bári júieniń shamadan tys júktelýine ákeldi.
«Qyzý kezeńderde biz 70-ten 100 myńǵa deiin bir rettik qońyraýlardy tirkedik. Tiisinshe, bul suranystardy qaraý ýaqytyn arttyryp, protsessti keshiktirdi. Aqparattyq tehnologiialar mamandary barlyq problemalardy joiý úshin úlken jumys jasady, barlyq suranystardy ońtailandyrdy, daýys berý jáne nátijelerdi qaraý fýnktsiialary ártúrli serverlerge taratyldy», - dep atap ótti partiia hatshysy.
Spiker búginde Praimerizdiń birinshi deńgeii sátti aiaqtalǵanyn atap ótti.
«Biz Praimerizdi ashyq jáne básekeli túrde ótkizý týraly mindet qoidyq, partiia Kóshbasshysynyń bul nusqaýy sátti aiaqtaldy, barlyq rásimder erejelerge sáikes oryndaldy dep oilaimyz», - dep atap ótti Arman Qyryqbaev.
