التاي كولگىنوۆ قارۋلاستارىنا پارتيالىق بايقاۋعا قاتىسقانى ءۇشىن العىسىن ءبىلدىردى. ول جالپى العاندا پرايمەريز دەموكراتيا مەن پليۋراليزم رۋحىندا وتكەنىن اتاپ ءوتتى. ەلەكتروندىق داۋىس بەرۋدىڭ ەنگىزىلگەن تەتىگى بولىپ تابىلاتىن «پرايمەريزدىڭ» ارنايى ەلەكتروندى جۇيەسى وزىندىك ساياسي يننوۆاسياعا اينالدى جانە قول جەتىمدىلىك، زاڭدىلىق، اشىقتىق جانە قاۋىپسىزدىك پرينسيپتەرىمەن سيپاتتالادى.
قالا اكىمى سايىستىڭ بارلىق كوشباسشىلارىنا، ياعني «نۇر وتان» پارتياسىنان ەلوردا ءماجىلىسى مەن ءماسليحاتى دەپۋتاتتىعىنا ۇمىتكەرلەرگە العىس حاتتار تابىستادى.
ايتا كەتەتىن جايت، ەلوردا اكىمى «نۇر وتان» پارتياسى نۇر-سۇلتان قالاسى فيليالىنىڭ ءتوراعاسى رەتىندە سارىارقا اۋدانىنىڭ №18 سايلاۋ ۋچاسكەسىندە داۋىس بەردى. پروسەدۋرا سوڭىندا ول پرايمەريز ۇمىتكەرلەر ءۇشىن ءوزىن كورسەتۋگە جاقسى مۇمكىندىك ەكەنىن اتاپ ءوتتى.
«ءبىز پارتيا ىشىندە، باسەكەلەستىك ورتادا پارتيا ليدەرلەرىن تاڭداي الامىز، سودان كەيىن ءتىزىمدى قۇرا الامىز. مەنىڭ ويىمشا، بۇل ءبىز ءۇشىن پايدالى تاجىريبە»، - دەپ اتاپ ءوتتى التاي كولگىنوۆ.
ءوز كەزەگىندە، بۇعان دەيىن پارتيانىڭ حاتشىسى ارمان قىرىقبايەۆ داۋىس بەرۋ كەزەڭىندە «پرايمەريز» اقپاراتتىق جۇيەسى قولدانۋشىلارىنىڭ بەلسەندىلىگى ارتقانىن اتاپ ءوتتى. مۇنىڭ ءبارى جۇيەنىڭ شامادان تىس جۇكتەلۋىنە اكەلدى.
«قىزۋ كەزەڭدەردە ءبىز 70-تەن 100 مىڭعا دەيىن ءبىر رەتتىك قوڭىراۋلاردى تىركەدىك. تيىسىنشە، بۇل سۇرانىستاردى قاراۋ ۋاقىتىن ارتتىرىپ، پروسەسستى كەشىكتىردى. اقپاراتتىق تەحنولوگيالار ماماندارى بارلىق پروبلەمالاردى جويۋ ءۇشىن ۇلكەن جۇمىس جاسادى، بارلىق سۇرانىستاردى وڭتايلاندىردى، داۋىس بەرۋ جانە ناتيجەلەردى قاراۋ فۋنكسيالارى ءارتۇرلى سەرۆەرلەرگە تاراتىلدى»، - دەپ اتاپ ءوتتى پارتيا حاتشىسى.
سپيكەر بۇگىندە پرايمەريزدىڭ ءبىرىنشى دەڭگەيى ءساتتى اياقتالعانىن اتاپ ءوتتى.
«ءبىز پرايمەريزدى اشىق جانە باسەكەلى تۇردە وتكىزۋ تۋرالى مىندەت قويدىق، پارتيا كوشباسشىسىنىڭ بۇل نۇسقاۋى ءساتتى اياقتالدى، بارلىق راسىمدەر ەرەجەلەرگە سايكەس ورىندالدى دەپ ويلايمىز»، - دەپ اتاپ ءوتتى ارمان قىرىقبايەۆ.
