Shaǵyn jáne orta biznesti damytýǵa el basshylyǵy erekshe kóńil bóledi. Qatty turmystyq qaldyqtardy qaita óńdeý, «jasyl» tehnologiialardy paidalaný, qurylys materialdaryn óndirý úshin bazalar salý, mashinalarǵa arnalǵan turaq keńistigin keńeitý, turǵyn úidi bizneske ainaldyrý syndy máseleler kóterildi.
Ákimdik pen qurylymdyq bólimsheler árbir máseleni egjei-tegjeili zertteitin bolady. Qala ákimi Altai Kólginov bul alań – qur sózdiń emes, naqty istiń alańy ekendigin aitty. Kásipkerlermen kezdesýler turaqty túrde ótkizilmekshi.
IQala biryńǵai qalalyq qyzmetter ortalyǵy kásipkerlerge «bir tereze» qaǵidaty boiynsha 90-nan astam qyzmet kórsetedi. Jyl sońyna deiin qyzmet túrlerin 139-ǵa deiin arttyrý josparlanýda.
Qazirgi tańda kásipkerler elektr qýaty, jylý men sý, qoqys shyǵarý syndy máseleler boiynsha shottardy bir jerde tólei alady. Tsifrlandyrýǵa kóshý aiasynda qyzmetterdi onlain rejimde iQala arnaiy internet-portaly arqyly tóleýge bolady. Budan basqa, 2-shi qabatta kásipkerlerge treningter ótkizilip, zańgerlik jáne marketing qyzmetteri kórsetiledi.
