Altai Kólginov: «Elimizdegi árbir bala baqytty balalyq shaqqa laiyq»
– Árbir bala – qaitalanbas tulǵa! Ne istesek te olardyń igiligi men jarqyn bolashaǵy úshin jasaimyz. Búgin – 1 maýsym – Halyqaralyq balalardy qorǵaý kúni. Memleket basshysy atap ótkendei, bul mereke óskeleń urpaqtyń ál-aýqaty, densaýlyǵy men qaýipsizdigi úshin eresekterdiń jaýapty ekenin eske salady, "elimizdegi árbir bala mahabbatqa, qýanysh pen baqytty balalyq shaqqa laiyq". Qalanyń ár aýdanynda sanitarlyq normalardy saqtai otyryp, balalarymyz úshin is-sharalar uiymdastyryldy. Jas turǵyndarymyz úshin merekelik atmosfera qurý mańyzdy.
Eresekter óz mysaldarymen ǵana balalardy jas kezinen eńbekke baýlyp, oqýǵa degen súiispenshiligin arttyryp, aǵa býynǵa degen qurmetin qalyptastyra alady.
Óz tarapymyzdan balalarymyzǵa jaǵdai jasaý úshin jumys jasap kelemiz: balabaqshalar, mektepter, ońaltý ortalyqtaryn, qoljetimdi áleýmettik turǵyn úi, mádeniet jáne sport obektilerin salamyz, aýla klýbtaryn ashamyz, taza aýada ýaqyt ótkizý úshin jaily qoǵamdyq keńistikter (saiabaqtar, skverler, býlvarlar) men aýlalar jasaimyz.
Memleket basshysynyń tapsyrmasyna sáikes barlyq baǵyttar boiynsha balalarǵa jaǵdai jasaimyz. Joǵaryda aitqanymdai, ár bala erekshe. Bizdiń mindetimiz – olardyń jan-jaqty damýyna jáne óz áleýetin tolyq ashýǵa múmkindik berý. Bizdiń balalarymyzdyń arasynda bolashaq meditsina qyzmetkerleri, pedagogtar, injenerler, qurylysshylar, jazýshylar, sýretshiler, sportshylar bar. Barlyq mamandyqtar mańyzdy jáne qajet. Ata-ana retinde biz olardy qoldaýymyz kerek.
Balalardyń kestesi eresekterdikinen kem túspeidi. Olar oqý oqyp, úiirmelerge baryp, dostarymen kezdesedi. Balalar men olardyń ata-analaryna yńǵaily bolý úshin ótken jyldyń kókteminen bastap qalamyzdyń barlyq kámeletke tolmaǵan turǵyndary úshin qoǵamdyq kólik tegin. Bul jańalyq kóptiń kóńilinen oryn aldy.
Balalardyń dúniege kelýi otbasy úshin de, memleket úshin de mańyzdy. Jas urpaqtyń bolashaǵy jarqyn bolsyn. Ata-analar men balalardy merekemen quttyqtaimyn! Zor densaýlyq, baqyt, amandyq tileimin!» - dep jazdy elorda ákimi.
