– ءاربىر بالا – قايتالانباس تۇلعا! نە ىستەسەك تە ولاردىڭ يگىلىگى مەن جارقىن بولاشاعى ءۇشىن جاسايمىز. بۇگىن – 1 ماۋسىم – حالىقارالىق بالالاردى قورعاۋ كۇنى. مەملەكەت باسشىسى اتاپ وتكەندەي، بۇل مەرەكە وسكەلەڭ ۇرپاقتىڭ ءال-اۋقاتى، دەنساۋلىعى مەن قاۋىپسىزدىگى ءۇشىن ەرەسەكتەردىڭ جاۋاپتى ەكەنىن ەسكە سالادى، "ەلىمىزدەگى ءاربىر بالا ماحابباتقا، قۋانىش پەن باقىتتى بالالىق شاققا لايىق". قالانىڭ ءار اۋدانىندا سانيتارلىق نورمالاردى ساقتاي وتىرىپ، بالالارىمىز ءۇشىن ءىس-شارالار ۇيىمداستىرىلدى. جاس تۇرعىندارىمىز ءۇشىن مەرەكەلىك اتموسفەرا قۇرۋ ماڭىزدى.
ەرەسەكتەر ءوز مىسالدارىمەن عانا بالالاردى جاس كەزىنەن ەڭبەككە باۋلىپ، وقۋعا دەگەن سۇيىسپەنشىلىگىن ارتتىرىپ، اعا بۋىنعا دەگەن قۇرمەتىن قالىپتاستىرا الادى.
ءوز تاراپىمىزدان بالالارىمىزعا جاعداي جاساۋ ءۇشىن جۇمىس جاساپ كەلەمىز: بالاباقشالار، مەكتەپتەر، وڭالتۋ ورتالىقتارىن، قولجەتىمدى الەۋمەتتىك تۇرعىن ءۇي، مادەنيەت جانە سپورت وبەكتىلەرىن سالامىز، اۋلا كلۋبتارىن اشامىز، تازا اۋادا ۋاقىت وتكىزۋ ءۇشىن جايلى قوعامدىق كەڭىستىكتەر (ساياباقتار، سكۆەرلەر، بۋلۆارلار) مەن اۋلالار جاسايمىز.
مەملەكەت باسشىسىنىڭ تاپسىرماسىنا سايكەس بارلىق باعىتتار بويىنشا بالالارعا جاعداي جاسايمىز. جوعارىدا ايتقانىمداي، ءار بالا ەرەكشە. ءبىزدىڭ مىندەتىمىز – ولاردىڭ جان-جاقتى دامۋىنا جانە ءوز الەۋەتىن تولىق اشۋعا مۇمكىندىك بەرۋ. ءبىزدىڭ بالالارىمىزدىڭ اراسىندا بولاشاق مەديسينا قىزمەتكەرلەرى، پەداگوگتار، ينجەنەرلەر، قۇرىلىسشىلار، جازۋشىلار، سۋرەتشىلەر، سپورتشىلار بار. بارلىق ماماندىقتار ماڭىزدى جانە قاجەت. اتا-انا رەتىندە ءبىز ولاردى قولداۋىمىز كەرەك.
بالالاردىڭ كەستەسى ەرەسەكتەردىكىنەن كەم تۇسپەيدى. ولار وقۋ وقىپ، ۇيىرمەلەرگە بارىپ، دوستارىمەن كەزدەسەدى. بالالار مەن ولاردىڭ اتا-انالارىنا ىڭعايلى بولۋ ءۇشىن وتكەن جىلدىڭ كوكتەمىنەن باستاپ قالامىزدىڭ بارلىق كامەلەتكە تولماعان تۇرعىندارى ءۇشىن قوعامدىق كولىك تەگىن. بۇل جاڭالىق كوپتىڭ كوڭىلىنەن ورىن الدى.
بالالاردىڭ دۇنيەگە كەلۋى وتباسى ءۇشىن دە، مەملەكەت ءۇشىن دە ماڭىزدى. جاس ۇرپاقتىڭ بولاشاعى جارقىن بولسىن. اتا-انالار مەن بالالاردى مەرەكەمەن قۇتتىقتايمىن! زور دەنساۋلىق، باقىت، اماندىق تىلەيمىن!» - دەپ جازدى ەلوردا اكىمى.
