– Tańǵy aralaý kezinde Ońtústik-shyǵystaǵy gaz taratý jelileriniń qurylys barysymen tanystym. Qazir qazý jumystary men gaz rettegish shkaf pýnktin ornatý júrgizilip jatyr.
Merdigerge, jumys qarqynyn báseńdetpeýdi, qaýipsizdikke erekshe nazar aýdarýdy tapsyrdym. Ońtústik-shyǵys shaǵyn aýdanynyń turǵyndary kelesi jylytý maýsymyna deiin gazǵa qosyla alady. Eldi-meken turǵyndary ǵana emes, qala turǵyndary da úilerin gazben jylyta alady.
Buǵan deiin, Jeleznodorojnyi, Kóktal-2, Agroqalashyq (bir bóligi ǵana) eldi-mekenderiniń turǵyndary gazǵa qosylý múmkindigin aldy. Biylǵy jylytý maýsymynda JEO-1 jáne JEO-2 birqatar sý jylytý qazandyqtary gazǵa aýystyryldy.
Gazdandyrý memleket basshylyǵynyń baqylaýynda. Gazdandyrý protsesi úsh kezeńnen turady.
Gazdandyrý atmosferaǵa taraityn ziiandy qaldyqtardy aitarlyqtai tómendetýge múmkindik beredi, ekologiiaǵa oń áser etedi. Sondai-aq, jeke sektor turǵyndarynyń ómir súrý jaǵdaiyn jeńildetýge múmkindik beredi. Óitkeni, kómirdiń sapasyn, ony saqtaýdy ýaiymdap, kúni boiy úide bolýdyń qajeti joq, – dep jazdy elorda ákimi.
