Amerıka Densaýlyq saqtaý qaýymdastyǵynyń múshesi, vırýsolog Almaz Sharmannyń aıtýynsha, búkil álem koronavırýspen kúresýdiń jaýapty kezeńine aıaq basty, óıtkeni paıdasy joǵary ári tıimdi vaksınalar jasaldy.
Almaz Sharman ótken táýlikte elimizde koronavırýs ınfeksıasyn juqtyrǵan 6 myńnan astam naýqastyń tirkelgenin, antırekord jańartylǵanyn aıtty. Búginde Qazaqstanda halyqtyń tek 16%-y ǵana ekpeniń eki komponentin alǵan. Bul óte az kórsetkish. Demek bul halyqtyń 85%-y vaksına almaǵany. Bul jańa mýtasıalanǵan «delta» koronavırýsynyń taralýy úshin qolaıly orta.
Ǵalymnyń aıtýynsha, «delta» shtamy koronavırýstyń barlyq aldyńǵy nusqalaryna qaraǵanda 50-60% juqpaly.
– Árbir juqtyrǵan adam ınfeksıany 5-6 adamǵa áser etedi. Vaksına almaǵan azamattar qaýip aımaǵynda. Koronavırýstyń qazirgi nusqasy juqpaly ekenin este ustaǵan jón. Biraq Qazaqstanda vaksına alǵan adamdardyń paıyzy tómen. Biz indettiń óte qaýipti kezeńine aıaq bastyq. Jaǵdaıdy vaksına alý arqyly ózgertýge bolady, – dedi Almaz Sharman.
Aıta ketsek, Qoǵamdyq densaýlyq basqarmasynyń málimetinshe, 22 shildedegi jaǵdaı boıynsha Almatyda ekpeniń I komponentin 670 351 adam aldy. 60 jastan joǵary vaksına alǵan adam sany 94 835 adamdy quraıdy.
Qaladaǵy medısınalyq uıymdarda, mektep, mádenıet, sport nysandarynda, bazar men qalanyń SOSO-da 212 vaksına pýnktteri jumys isteıdi (250-ge deıin ulǵaıtý múmkindigimen). 1 260 adam jumyldyrylǵan 308 ekpe brıgadasy qyzmet atqarady.
