Almaty qalasynyń Kommýnaldyq infraqurylym jáne turǵyn úi inspektsiiasy basqarmasy «Almaty jastary» baǵdarlamasy boiynsha ótinim qaraýdy qorytyndylady. Ótinimder 1-15 maýsym aralyǵynda kezekte.kz portaly arqyly qabyldanyp, baǵdarlamaǵa qatysý úshin barlyǵy 5 363 ótinim tústi, dep habarlaidy dalanews.kz.
Qujattardy qaraý barysynda keibir qatysýshylardyń ótinim berý kezinde qyzmet salasyn qate kórsetkeni anyqtaldy. Bul tehnikalyq sipattaǵy qatelik bolǵandyqtan, olardyń baǵdarlamaǵa qatysýyna kedergi keltirgen joq.
Qujattardy tekserý nátijesinde 3 968 ótinim maquldandy. Biyl baǵdarlama aiasynda keminde 1 650 turǵyn úi nesiesin berý josparlanǵan. Dál osy mólsherdegi qatysýshylar tólem qabilettiligin rastaý úshin «Otbasy bank» AQ-na joldama alady. Kezektiń aldyn alý maqsatynda joldamalar kezeń-kezeńimen apta saiyn 550 qatysýshyǵa beriledi.
Tólem qabilettiligi rastalǵannan keiin qatysýshylarǵa 45 kúntizbelik kún ishinde bastapqy nemese qaitalama turǵyn úi naryǵynan baspana tańdap, 20 mln teńgege deiingi turǵyn úi nesiesin rásimdeýge múmkindik beriledi.
Eger keibir qatysýshylar tólem qabilettiligin rastai almasa nemese belgilengen merzimde turǵyn úi tańdap úlgermese, joldama berý kezegi oń qorytyndy alǵan kelesi úmitkerlerge ótedi. Bul baǵdarlamaǵa bólingen qarajattyń tolyq ári tiimdi igerilýin qamtamasyz etedi.
Qujattardy qaraý nátijesinde 1 395 ótinish berýshiniń qujattary baǵdarlama talaptaryna sáikes kelmedi. Buǵan olardyń jeke menshiginde turǵyn úiiniń bolýy, sońǵy bes jyl ishinde turǵyn úidi ielikten shyǵarýy nemese sońǵy alty aida mindetti zeinetaqy jarnalarynyń aýdarylmaýy sebep boldy.
Ótinimi maquldanǵan jáne ótinimi maquldanbaǵan úmitkerlerdiń tizimi kezekte.kz portalyndaǵy ALMATY JASTARY servisiniń «Turǵyn úi qyzmetteri» bóliminde jariialanady.
