الماتى قالاسىنىڭ كوممۋنالدىق ينفراقۇرىلىم جەنە تۇرعىن ٷي ينسپەكتسيياسى باسقارماسى «الماتى جاستارى» باعدارلاماسى بويىنشا ٶتٸنٸم قاراۋدى قورىتىندىلادى. ٶتٸنٸمدەر 1-15 ماۋسىم ارالىعىندا kezekte.kz پورتالى ارقىلى قابىلدانىپ, باعدارلاماعا قاتىسۋ ٷشٸن بارلىعى 5 363 ٶتٸنٸم تٷستٸ, دەپ حابارلايدى dalanews.kz.
قۇجاتتاردى قاراۋ بارىسىندا كەيبٸر قاتىسۋشىلاردىڭ ٶتٸنٸم بەرۋ كەزٸندە قىزمەت سالاسىن قاتە كٶرسەتكەنٸ انىقتالدى. بۇل تەحنيكالىق سيپاتتاعى قاتەلٸك بولعاندىقتان, ولاردىڭ باعدارلاماعا قاتىسۋىنا كەدەرگٸ كەلتٸرگەن جوق.
قۇجاتتاردى تەكسەرۋ نەتيجەسٸندە 3 968 ٶتٸنٸم ماقۇلداندى. بيىل باعدارلاما اياسىندا كەمٸندە 1 650 تۇرعىن ٷي نەسيەسٸن بەرۋ جوسپارلانعان. دەل وسى مٶلشەردەگٸ قاتىسۋشىلار تٶلەم قابٸلەتتٸلٸگٸن راستاۋ ٷشٸن «وتباسى بانك» اق-نا جولداما الادى. كەزەكتٸڭ الدىن الۋ ماقساتىندا جولدامالار كەزەڭ-كەزەڭٸمەن اپتا سايىن 550 قاتىسۋشىعا بەرٸلەدٸ.
تٶلەم قابٸلەتتٸلٸگٸ راستالعاننان كەيٸن قاتىسۋشىلارعا 45 كٷنتٸزبەلٸك كٷن ٸشٸندە باستاپقى نەمەسە قايتالاما تۇرعىن ٷي نارىعىنان باسپانا تاڭداپ, 20 ملن تەڭگەگە دەيٸنگٸ تۇرعىن ٷي نەسيەسٸن رەسٸمدەۋگە مٷمكٸندٸك بەرٸلەدٸ.
ەگەر كەيبٸر قاتىسۋشىلار تٶلەم قابٸلەتتٸلٸگٸن راستاي الماسا نەمەسە بەلگٸلەنگەن مەرزٸمدە تۇرعىن ٷي تاڭداپ ٷلگەرمەسە, جولداما بەرۋ كەزەگٸ وڭ قورىتىندى العان كەلەسٸ ٷمٸتكەرلەرگە ٶتەدٸ. بۇل باعدارلاماعا بٶلٸنگەن قاراجاتتىڭ تولىق ەرٸ تيٸمدٸ يگەرٸلۋٸن قامتاماسىز ەتەدٸ.
قۇجاتتاردى قاراۋ نەتيجەسٸندە 1 395 ٶتٸنٸش بەرۋشٸنٸڭ قۇجاتتارى باعدارلاما تالاپتارىنا سەيكەس كەلمەدٸ. بۇعان ولاردىڭ جەكە مەنشٸگٸندە تۇرعىن ٷيٸنٸڭ بولۋى, سوڭعى بەس جىل ٸشٸندە تۇرعىن ٷيدٸ يەلٸكتەن شىعارۋى نەمەسە سوڭعى التى ايدا مٸندەتتٸ زەينەتاقى جارنالارىنىڭ اۋدارىلماۋى سەبەپ بولدى.
ٶتٸنٸمٸ ماقۇلدانعان جەنە ٶتٸنٸمٸ ماقۇلدانباعان ٷمٸتكەرلەردٸڭ تٸزٸمٸ kezekte.kz پورتالىنداعى ALMATY JASTARY سەرۆيسٸنٸڭ «تۇرعىن ٷي قىزمەتتەرٸ» بٶلٸمٸندە جارييالانادى.
