Almatydaǵy jeńil relsti kólik jelisi 2027 jyldyń sońynda iske qosylady. Bul týraly Jol infraqurylymyn damytý basqarmasy málimdedi, dep habarlaidy dalanews.kz 24.kz-ke siltep.
Jalpy uzyndyǵy 18 shaqyrymnan asatyn bul jelide 34 aialdama bolady. Al onyń ortasha jyldamdyǵy saǵatyna 35 shaqyrymnan aspaidy.
Baǵyt Momyshuly kóshesi boiymen Tóle bi kóshesine, odan ári Abylai han dańǵyly arqyly ekinshi temirjol vokzalyna deiin barady.
Qazir qalada eski tramvai relsteri alynyp, jańa joldyń orny daiyndalyp jatyr.
"LRT qurylysy barysynda zamanaýi tásilderdi qoldanamyz. Olai deitinimiz, vagondar batareia arqyly júredi. Al batareialar stantsialarda qýattalady. Osylaisha, aspaly elektr jelilerin ornatý qajettiligi týyndamaidy. Bizdiń jeliniń Astanadaǵy LRT jelisinen aiyrmashylyǵy - biik estakadalar bolmaýynda. Sondai-aq, bir jyljymaly quramnyń syiymdylyǵy - 285 adam", - dedi Almaty qalasy Jol infraqurylymyn damytý basqarmasy basshysynyń orynbasary Asan Bostanov.
