Almatydaǵy dámhanadan órt shyǵyp, 15 adam evakýatsiialandy. Oqiǵa 28 tamyz kúni keshke Bostandyq aýdanynda bolǵan, dep habarlaidy dalanews.kz.
TJM málimetinshe, "112" pýltine Rozybakiev kóshesindegi dámhana ǵimaratynan tútin shyǵyp jatqany týraly habarlama túsken. Oqiǵa ornyna órt sóndirýshiler men TJM Apattar meditsinasy ortalyǵynyń brigadasy jedel jetken.
Órt bir qabatty dámhananyń asúiinen shyqqan. Qutqarýshylar asúidegi tóbe jabyny men sórelerdiń janyp jatqanyn anyqtaǵan. Dámhana eki qabatty kóppáterli turǵyn úige japsarlas ornalasqan.
"Órtti sóndirýge gaz-tútinnen qorǵaý qyzmetiniń birneshe býyny jumyldyryldy", - dep habarlady TJM.
Qaýipsizdik maqsatynda turǵyn úiden 15 adam evakýatsiialandy. Olardyń barlyǵy – osy úidiń turǵyndary.
Órt tolyq sóndirildi. Oqiǵa saldarynan zardap shekkender joq. Qazir órttiń shyǵý sebebi anyqtalyp jatyr.
