الماتىداعى دەمحانادان ٶرت شىعىپ, 15 ادام ەۆاكۋاتسييالاندى. وقيعا 28 تامىز كٷنٸ كەشكە بوستاندىق اۋدانىندا بولعان, دەپ حابارلايدى dalanews.kz.
تجم مەلٸمەتٸنشە, "112" پۋلتٸنە روزىباكيەۆ كٶشەسٸندەگٸ دەمحانا عيماراتىنان تٷتٸن شىعىپ جاتقانى تۋرالى حابارلاما تٷسكەن. وقيعا ورنىنا ٶرت سٶندٸرۋشٸلەر مەن تجم اپاتتار مەديتسيناسى ورتالىعىنىڭ بريگاداسى جەدەل جەتكەن.
ٶرت بٸر قاباتتى دەمحانانىڭ اسٷيٸنەن شىققان. قۇتقارۋشىلار اسٷيدەگٸ تٶبە جابىنى مەن سٶرەلەردٸڭ جانىپ جاتقانىن انىقتاعان. دەمحانا ەكٸ قاباتتى كٶپپەتەرلٸ تۇرعىن ٷيگە جاپسارلاس ورنالاسقان.
"ٶرتتٸ سٶندٸرۋگە گاز-تٷتٸننەن قورعاۋ قىزمەتٸنٸڭ بٸرنەشە بۋىنى جۇمىلدىرىلدى", - دەپ حابارلادى تجم.
قاۋٸپسٸزدٸك ماقساتىندا تۇرعىن ٷيدەن 15 ادام ەۆاكۋاتسييالاندى. ولاردىڭ بارلىعى – وسى ٷيدٸڭ تۇرعىندارى.
ٶرت تولىق سٶندٸرٸلدٸ. وقيعا سالدارىنان زارداپ شەككەندەر جوق. قازٸر ٶرتتٸڭ شىعۋ سەبەبٸ انىقتالىپ جاتىر.
