Almatydaǵy Alma City turǵyn úi kesheninde kámeletke tolmaǵan qyz kópqabatty úidiń terezesinen qulap, oqiǵa ornynda qaitys boldy, dep habarlaidy dalanews.kz.
Qaiǵyly oqiǵa Júnisov kóshesinde ornalasqan turǵyn úi kesheninde bolǵan. Aldyn ala málimet boiynsha, 17 jastaǵy qyz úide qurbylarymen birge bolǵan. Keibir derekterde olardyń alkogoldik ishimdik tutynǵany aitylǵan.
Jaqyndarynyń sózinshe, anasy bolǵan jaǵdaidy telefon arqyly bilip, qyzy ekeýiniń arasynda janjal týyndaǵan. Osydan keiin boijetken qatty kúizeliske túsip, jigitine habarlasyp, qoldaý suraǵan.
Jas jigit kórsetilgen mekenjaiǵa kelgenimen, páterge kóterilip úlgermegen. Sol sátte qyz shamamen jetinshi-segizinshi qabattan qulap ketken. Ol alǵan jaraqattarynan oqiǵa ornynda kóz jumǵan.
Oqiǵanyń mán-jaiy men naqty sebepteri anyqtalyp jatyr. Quzyrly organdar tergeý jumystaryn júrgizýde.
