Almatyda júrgizýshi kýáligi joq 19 jastaǵy jigittiń jolda qaýipti manevr jasaǵan videosy áleýmettik jelide tarady. Osy jazba arqyly politseiler onyń jeke basyn anyqtap, jaýapkershilikke tartty, dep habarlaidy dalanews.kz.
Almaty politsiiasy áleýmettik jelilerge monitoring júrgizý barysynda jol qozǵalysy erejelerin óreskel buzǵan júrgizýshiniń videosyn anyqtaǵan.
Tekserý nátijesinde kólikti basqarǵan adamnyń Almaty qalasynyń 19 jastaǵy turǵyny ekeni belgili boldy.
Politsiia málimetinshe, jas jigittiń múlde júrgizýshi kýáligi bolmaǵan. Osyǵan bailanysty oǵan ákimshilik jaýapkershilik júkteldi.
Budan bólek, onyń áreketi usaq buzaqylyq retinde saralanyp, sot sheshimimen quqyq buzýshy bes táýlikke ákimshilik qamaýǵa alyndy.
