Almatynyń Medeý aýdanynda jeńil kólik bes jaiaý júrginshini qaǵyp ketti, dep habarlaidy dalanews.kz.
Qalalyq ákimshilik politsiia basqarmasynyń málimetinshe, jol-kólik oqiǵasy tańǵy saǵat 08:20 shamasynda Zenkov kóshesinde bolǵan.
Aldyn ala derek boiynsha, ońtústik baǵytta kele jatqan Audi kóliginiń júrgizýshisi joldyń júrý bóliginde turǵan bes jaiaý júrginshini qaǵyp ketken. Osydan keiin kólik qozǵalysyn jalǵastyryp, jol jieginde turǵan Toyota avtokóligine soǵylǵan.
Soqqynyń áserinen Toyota kóligi janynda turǵan Subaru avtokóligine soqtyǵysqan.
Politsiianyń habarlaýynsha, oqiǵa kezinde Toyota men Subaru júrgizýshileri kólikteriniń ishinde bolmaǵan.
Jol apaty saldarynan bes adam jaraqat alyp, olarǵa alǵashqy meditsinalyq kómek kórsetildi.
Qazir oqiǵanyń mán-jaiyn Medeý aýdandyq politsiia basqarmasynyń qyzmetkerleri anyqtap jatyr.
