Almaty qalasyndaǵy joldardyń qaýipsizdigi men sapasyn baqylaý jumystary jalǵasyp jatyr. Jol aktivteri sapasynyń ulttyq ortalyǵy Almaty qalalyq filialynyń injenerleri qala kóshelerindegi jol tańbalarynyń jaǵdaiyn tekserdi, dep habarlaidy dalanews.kz.
Mamandar arnaiy ólsheý quralynyń kómegimen jolǵa salynǵan tańbalardyń talaptarǵa sáikestigin anyqtady. Tekserý barysynda jolaqtardyń kóriný deńgeii men belgilengen tehnikalyq talaptarǵa sáikestigine nazar aýdaryldy.
Filial injeneriniń aitýynsha, jol tańbalarynyń sapasy qozǵalys qaýipsizdigine tikelei áser etedi. Ásirese túngi ýaqytta jáne qolaisyz aýa raiynda tańbalardyń anyq kórinýi júrgizýshiler úshin mańyzdy.
«Jol tańbalary ýaqyt óte kele óship, bastapqy qasietin joǵaltýy múmkin. Sondyqtan olardyń jaǵdaiyn tek kózben baǵalaý jetkiliksiz. Arnaiy qural arqyly naqty kórsetkishterdi ólshep, belgilengen talaptarǵa sáikestigin anyqtaimyz. Bul jol qaýipsizdigin qamtamasyz etýdiń mańyzdy bóligi», – dedi filial injeneri Dosjan Surapbergenov.
Jol tańbalary boiynsha anyqtalǵan kemshilikter tiisti tártippen tirkelip, merdiger uiymdarǵa olardy joiý jóninde usynystar beriledi.
Jol aktivteri sapasynyń ulttyq ortalyǵynyń Almaty qalalyq filialy qaladaǵy jol qurylysy men jóndeý nysandarynda sapany baqylaý jumystaryn júieli túrde júrgizip keledi.
