Almatyda JI kómegimen óńdelgen sýretter daýyna bailanysty ákimdik qyzmetkeri jumystan shyǵaryldy, dep habarlaidy dalanews.kz.
Bostandyq aýdandyq ákimdigi Levitan kóshesin tazalaý jumystaryna qatysty jasandy intellekt kómegimen óńdelgen sýretterdi jariialaǵan qyzmetker jumystan bosatylǵanyn habarlady.
Vedomstvo málimetinshe, memlekettik qyzmetker óz kinásin moiyndaǵandyqtan, qyzmettik tergeý júrgizilmegen. Osydan keiin arada eńbek sharty buzylǵan.
Eske salaiyq, mamyrda áleýmettik jeli qoldanýshylary tazalaý jumystarynyń nátijesin kórsetetin "deiin" jáne "keiin" sýretteri jasandy intellekt arqyly jasalǵan nemese óńdelgen bolýy múmkin degen pikir bildirgen edi.
Bul jait qoǵamda úlken rezonans týdyryp, ondaǵan myń qaralym jinady. Osydan keiin ákimdik tekseris bastady. Al aýmaqty kútip ustaýǵa jaýapty merdiger uiym ákimshilik jaýapkershilikke tartyldy.
