Almatyda eki er adam ózderine jedel járdem shaqyrǵannan keiin kelgen meditsina qyzmetkerlerine pyshaqpen qoqan-loqy kórsetken. Oqiǵa týraly jedel járdem brigadasy politsiiaǵa habarlaǵan, dep habarlaidy dalanews.kz.
Oqiǵa ornyna – Qazybek bi men Báribaev kósheleriniń qiylysyna patrýldik politsiia qyzmetkerleri men ýchaskelik inspektor jedel jetti. Tártip saqshylary eki kúdiktini de ustap, politsiia bólimine jetkizdi.
Aldyn ala málimet boiynsha, er adamdar esirtkilik masań kúide bolǵan. Olardyń aitýynsha, dárigerler kelgenge deiin sintetikalyq esirtki qoldanǵan.
Oqiǵa saldarynan eshkim zardap shekken joq. Qazirgi ýaqytta politseiler bolǵan jaǵdaidyń barlyq mán-jaiyn anyqtap jatyr. Atap aitqanda, kúdiktilerdiń qolyndaǵy pyshaqtyń qaidan shyqqany jáne ony ózderimen birge alyp júrgen-júrmegeni tekserilýde.
Almaty qalalyq politsiia departamentiniń málimetinshe, árbir qatysýshynyń áreketine quqyqtyq baǵa berilip, tiisti sheshim qabyldanady.
