Almatyda "Tarlan" fýtbol klýbynyń zamanaýi sporttyq akademiiasynyń qurylysy bastalady. Joba tolyqtai jeke investordyń qarajaty esebinen júzege asyrylady. Bul týraly jýrnalist Mihail Kozachkov málimdedi, dep habarlaidy dalanews.kz.
"Akademiiany "AlmatyMetroQurylys" AQ-nyń iesi Qairat Reimov salady. Keshen shamamen 4 gektar aýmaqta boi kóteredi. Joba aiasynda tribýnasy bar jáne qarapaiym eki tolyq ólshemdi fýtbol alańy, jabyq manej, tárbielenýshilerge arnalǵan qonaqúi men 500 oqýshyǵa laiyqtalǵan jalpy bilim beretin mektep salynady", - dep jazdy jýrnalist.
Jańa akademiiaǵa Qazaqstannan jáne shetelden daryndy jas fýtbolshylar qabyldanady. Klýb basshylyǵy talantty balalardyń oqýyna, turýyna jáne jattyǵýyna qajetti barlyq jaǵdaidy jasap, shyǵyndy óz moinyna almaq.
Jobanyń taǵy bir ereksheligi – negizgi ǵimarattyń tóbesine túnde jaryqtandyrylatyn alyp fýtbol doby ornatylady. Ol qalanyń basqa bólikterinen de kórinetin bolady.
Aita keteiik, "Tarlan" balalar fýtbol klýby byltyr qurylǵan. Komanda búginde el ishindegi jáne halyqaralyq týrnirlerde tabysty óner kórsetip júr.
