Almatyda ÝEFA talaptaryna sai 45 myń oryndyq stadion salynyp jatyr, dep habarlaidy dalanews.kz.
Jańa arena Qulja jáne Talǵar tasjoldarynyń boiynda salynyp jatyr jáne 45 myń kórermenge arnalǵan. Jobany iske asyrýǵa bólingen aýmaqtyń jalpy kólemi shamamen 32 gektar bolady. Bul týraly ÓKQ baspasóz máslihatynda Almaty qalasy Qurylys basqarmasynyń basshysy Nurbol Nursaǵatov málimdedi.
Qazir nysanda qurylys jumystary qarqyndy júrgizilip jatyr. Bolashaq stadion ÝEFA-nyń IV sanattaǵy talabyna tolyq sai keledi. Bul halyqaralyq deńgeidegi fýtbol matchtary men iri sporttyq is-sharalardy ótkizýge múmkindik beredi.
Joba aiasynda negizgi fýtbol arenasymen qatar, jattyǵý alańdary, sportshylar men komandalarǵa arnalǵan zamanaýi infraqurylym, jankúierlerge arnalǵan aimaq, qaýipsizdik júieleri jáne irgeles aýmaqty abattandyrý jumystary qarastyrylǵan.
Qurylys jumystaryn 2028 jylǵy naýryzda aiaqtaý josparlanǵan.
